Täzeje bagabat [off] (01.01.1970 / 05:00)

Dostum bir gezek beýleki bir dostumyzyň halys muňalyp oturyşyna dözmän, oňa tüýs ýürekden göwünlik berermen boldy:
-Dos,-diýdi:-beýdip hemme zady çyndyr öýdüp gama batyp ýörmesene-how! Giň bolsana bajy:ň balagy ýaly…
Gaýgyly dostumyz teselliçi dostumyza gözüni alartdy-da hüňürdedi:
-Şu ýerde ýalňyşylan bary-ýogy birje harp welin, onda-da şo ýekeje harp üçinem sagynman agzyňy döwesiň gelip gidýär-aý!
Psihologlyk kärinde çeper höwesjeň dostum bolsa onuň hüňürdisine ýüzün-ä boz-ýaz etdi, gözünem petretdi-de, gulagyma pyşyrdady:
-Dos, «Hajyň balagy ýaly giň bol» diýmäň deregine: «bajy:ň balagy ýaly giň bol» diýäýdimm-aý?! Samsyg-ow menem, tükenen samsyk-how...