Täzeje bagabat [off] (01.01.1970 / 05:00)

Dostum bir gezek gürrüň berdi:
-Düýşüme Ezraýyl perişde giripdir. Çym-ak saçly, görmegeý ýaş ýigitmiş…
-Näme diýdi?-diýýän.
-Näme diýer öýdýäň-aý? «Neme jan, me şuny alsana, toýuňa goşant bolsun diýip getiräýdim» diýip goşa ýüzlük dollar uzatmajagy bell-ä. «Ýör!» diýdi.
-Sen näme diýdiň?
-«Äý akgam, men gowusy oňaýyn-laý!» diýdim.
-Be-e, gör-ä seň dillijedigiňi! Onsoň ol näme diýdi?
-Olam seniňki ýaly geňirgendi-de: «Be-e, o näme üçin?» diýdi.
-Sen näme bahana tapdyň?
-«Agam, gitmek neme-de dä: welin, men ölä bolamok-laý» diýdim.
Men keltejik güldüm:
-Onsoň Ezraýyl akgaň näme etdi?
-«Äý, bor onda, ölä bolmaýan bolsaň, erte-birigün elim degse, seniň samsyk sorag bermegi gowy görýän, köpbilmiş, danasumak dostuňy çagyrmaga baraýaryn-da» diýip hüňürdäb-ä gitdi özi...