Täzeje Mizan [off] (01.01.1970 / 05:00)

Gülüm, eýýäm näçe wagt geçipdir biziň habarlaşmadygymyza...
Ýadymda, soňky sapar gürleşenimizde öz söýgiliň barada aýdypdyň, ol barada ähli zady gürrüň
beripdiň. Menem seniň şeýle bir bagtlydygyňy görüp, saňa bagt diledim. Sebäbi şondan başga edip
biljek zadym ýokdy... Näme üçin diýseň, indi saňa seni nähili söýýänligimi aýdanymdan peýda ýokdy.
Sebäbi sen meni özüňe dost bilýärdiň, häzirem şeýle. Emma sen meniň üçin dostdan-da ýakyn adamdyň...
Ine, bu gün seniň bilen habarlaşdym, hal-ýagdaýlaryňy soradym. Bolany näme üçindir: ikimizem
birek-birege diýmäge söz tapamyzok. Näme üçin beýlekä?
Menä şeýle bir köp zatlary aýdasym gelýär: seni nähili göresim gelýänini, sensiz ýüregimiň nähili
gysýanyny, seni nähili küýseýänimi, nähili söýýändigimi aýdasym gelýär! Ýöne näme üçindir aýdyp
bilemok. Nähilidir bir duýgy saklaýar meni ähli zady aýtmakdan. Belkide, sen mensiz bagtlysyň diýip
pikir edýänim üçindir.
Ýöne sen näme üçin dymýaň, Gülüm? Seniňem maňa diýere zadyň galmadymy näme indi? Indi meni dostuň
hökmünde-de görmeýänmi näme??? Näme üçin biz beýle boldyk? Hany, dostlarça habarlaşyp durarys
diýipdiň-ä, a indi bolsa...