Ýürekdeş sözler!
"ENE WE OGUL"
Shirin [off]
27.03.2024 / 22:04
《《Мама-свет моей жизни》》
" Ene we Ogul" 😢
Men gürrüň bereýin, gulak goý senem.
Hiç haçan adymy tutmazdy enem.
Köçelerde oýnap, oýnap günuzyn.
Gelemde diýerdi: açsyn sen guzym.
“Köşegim” diýerdi, diýerdi “iner”,
Diliňize gurban bolsañ eneler!
-Eje! – diýenimde, diýerdi “jana!”
Nan salyp, okuwçy mata bukjama,
Meni ýatymlyga ugradýan dek ol
Diýerdi “sag git-de, sag-amanja gel!”
Fronta ugraljak şol agyr günem,
Meniň öz adymy tutmady enem .
Goşhaltama salyp tapan tupanyn,
Gördüm eli bilen ýüzün ýapanyn.
“Mert bol, eje”.. – diýip, yzyn ýuwutdym,
Çaga däl – on ýedi ýaşan ýigitdim.
Bu söze has beter bozuldy käbäm:
“Seni öýeribem bilmedim, balam”.
Ol maňa bakýardy, göýä ýazykly,
Bu bakyş hem agyr hemem näzikdi.
Men turdum... enem hem des-deň dikeldi,
Gujaklanda bir dem demi tükendi.
Beýik hesret bilen birsellem dymdy,
Syrylan kelläme gözýaşy damdy.
-Nowbahar perzendim, nowça çynarym!
Diýip, bir ah çekdi – yrandy tärim.
Meň boýnuma bukaw boldy goşary,
Badaşan dek bolup çykdyk daşary.
Uruşdyr, kim galar, kimlerem öler.
Agram bolsa size düşýär eneler!
Moskwaň düýbünde, gazaply gyşda,
Bir ölüp direldim agyr söweşde.
Gardan kepen ýapylypdyr üstüme,
Dört sagatdan gelipdirin essime,
Gözüm açypdyryn, gijäniň ýary,
Otyr başujumda halatly biri.
Bir zat diýjek boldum – gurapdyr dilim,
Bolsa-da namartlyk etmändir ölüm...
Begendim: Ellerim bitindi bitin!
A, sag aýak saralgydy büs-bütin.
Ýazmalymy, ýokmy – bolan zat hakda,
Zäherli ok galan eken uýlukda.
Aýagy kesjekler, bu belli eýýäm,
Bir ýazaýyn, birem ýazmaýyn diýýän.
Ýüregimde arman, gözlerimde nem,
Muny hat-habarsyz duýupdyr enem!
Özümden öňürti ýazypdyr käbäm:
“Düýşümde bir dişim gopdy-la, balam.
Sen bolsa şeýle şat bir gülýämişiň,
Jan ogul, ne güne uçrady başyň?!”
Men gürrüň bereýin, gulak goý, senem:
Öýe gelsem eýýäm... ýok eken enem.
Öýde dyzym epmän ýanyna gitdim,
Çaga däl, on sekiz ýaşly ýigitdim.
Bardym mazarlyga pişegmi süýräp,
Süýndüm guburyna maňlaýy diräp.
Başujuny saklap, ýatdym günuzyn,
Seslenen bolmady: “açsyň sen guzym”.
A men tebsiräpdim hem örän açdym,
Sebäp, ejem ýaşdy, özümem ýaşdym...
Awtor: Berdinazar Hudaynazarow 📜
93 |
15 |
6 |
6 |
0 |
0 |
1 |
Teswirler:
Dreamfull [off]
Каждому нужен кто-то, кто его выслушает.
27.03.2024 / 22:06
+0
'
69gez okayshymo olip halayan gosgymo
Shirin (27.03.2024 / 22:06)
Dreamfull,
Goý dogan goý 
BAY-HAN (27.03.2024 / 22:10) Dreamfull, wah waheeý, 69 gezek
Soňky teswirler
Sorag jogap alyşalyň
Vector_pro esasan, ulanyjynyň tehniki ugurlarda ýokary hünär derejesine eýedigini görkezmek üçin ulanylýar.Şoñ üçin şuny sayladym....dowamy...
Sorag jogap alyşalyň
Men öz nikimiñ manysy:Akyl ýetirmeklik taýdan adamda bar bolan tebigy ukyp, talant. Haladym we so niki sayladym soñ ucn!ukyp basarnygymyñ ady Тал...dowamy...
Sorag jogap alyşalyň
Salam. Nigimiň manysy terjime edilende aňladýan manysy. Saýta öňem agza boljak bolupdym ýöne agza bolup bilmändim. Bu gezek "Aý, ýene bir synanşy...dowamy...


...