Metehan | YekeTak.Ru

Gytyndan
Aypipijik [off]

09.04.2024 / 18:34
Durmuş doly yenil kelleden#

Bir permanda birleşdirdiň hunlary,
Atam-babam, nesil ganym Metehan.
Gadym eýýam galkyndyrdyň Turlary,
Oguzlaryň hany beýik Metehan.

Gündogarda sarsdyryp Çyn-Maçyny,
Aşyp-geçdiň yranmaýan diwary,
Adalata höküm düzüp diwany,
Oguzlara döwran açan Metehan.

Adalatsyz kakaň saňa duşmandy,
Haýp boldy soňky eden puşmany,
Tagta geçip üýtgedeňde permany,
Älem jahan nyzam boldy Metehan.

Peýkamyňdaň birje ok ýaýdan çyksa,
Goşunlaryň ok atar şol tarapa,
Ýagmyrlanar duşman garşyňa çyksa,
Harby-älem suw-sil bolar Metehan.

Gyzyn berdi Hytaýyň hökümdary,
Ýegsan etdiň ýer soraýan dunhuny,
Ýuweçjini, mongollary, tungusy,
Tary-marlap düzläp geçdiň Metehan.

Ýigrim dörtläp Oguz durdy arkaňda,
Pasyrdaýar aždarhalar asmanda,
Saňa gelip birleşmedik puşmanda,
Aziýanyň hökümdary Metehan.

Taňrygutlar, alpagutlar, suwarlar,
Permanyňy çar-tarapda sorarlar,
Bir taňrynyň kanunyny sorarlar,
Atam-babam nesil ganym Metehan.

Senden soňra Gökhan ogluň oturdy,
Ondan soňam Günhan ogluň oturdy,
Şondan soňam hun permany bozuldy,
Türki-töre dargap gitdi Metehan.

Çaň-tozana çarhy durdy pelegiň,
Çyn maçynlar oýnatdyrdy elegin,
Uwlaşdylar dumly-duşa möjegiň,
Haýp döndi şonda döwran Metehan

Oguz-türkmen ýurdun watan tutdylar,
Çekildiler günbatara Akhunlar,
Eýran, Turan, Hindistany aldylar,
Döwri döwran jana geldi Metehan.

Göktürkmenler gelip häkim boldular,
Çekildiler demirgapa Akhunlar,
Şondan soňam Garahanly, Gaznalar,
Miras galdy nesilşalyk Metehan.

28.11.2017.

***

Gara gözleň garasyna aşyk men,
Jan jigerde joşup daşar bu günler,
Gaş astynyň gabygyna aşyk men,
Jan jigerde joşup durar bu günler.

Nurnabat sen hakda ýazasym geldi,
Göresimem geldi seni üç gündür,
Nädip meni kösäp gezýäň şu günler,
Seni çyn bagryma basasym geler...

***

Duýgularyň inçe sapak tary deý,
Dokmaçy gyz adyň näme aýtsana?
Ýaňaklaryň gyzyl-alma, nar deýin,
Dokmaçy gyz adyň näme aýtsana?

Gara saçyň mawy ýaglyk büreýär,
Sallanjyrap seýkin atyp ýöreýäň,
Ynan mende söýgi ody döreýär,
Dokmaçy gyz adyň näme aýtsana?

Stanoguň polotensa öndürýär,
Gözelligiň beýhuş edip öldürýär,
Goşgularym seni diýseň güldürýär,
Dokmaçy gyz adyň näme aýtsana?

Forum | GÜRRÜŇDEŞLIK | Erkin mowzuklar

Bar eýle!

💎💎💎💎

Ýüregimiň armanydyr

Gel seýle çykaly

Adamlara ynanyp

Dillen..!

Owgan pähimleri

Dutar heňi🙂

At yazmak

Owgan pähimleri