Uruş. | YekeTak.Ru

Betinden
rexha [off]

09.04.2024 / 23:19
En büyük hatanız kör sandınız🍃

Geliň, Özümizi köşeşdirmäliň,
Geliň, Ýüregmizi köşeşdirmäliň.
On sekiz ýaşynda giden ýigitler.
Otuz ýyl geçibem gelenok häli.
Dileg etdik gaýdyp gelerler diýip,
Gapak deý döşleri ençe ordenli.
Garaşdyk.
Garaşma kemin goýmadyk.
Eger geljek bolsa gelerçe boldy.
Geliň,
Hakykatyň gözne bakalyň,
Garaşyplar näçe ýyly ötürdik.
Gidenler borjuny ýerne ýetirdi,
Bizem borjumyzy ýerne ýetirdik.

Bir dosty Kiýewde ýazyldy ýere,
Ýene biri wepat boldy Oderde,
Ol bolsa bar Ýewropany aýlandy,
Ýewropa-da sag bol diýdi o merde.
Dogduk diýaryna dolandy esger,
Bir uly toý tutdy enesi pahyr.
Esgerler uruşda ölmeýär diňe,
Uruşdan gaýdybam gelinýär ahyr.
Ýöne uruşlaryň bir kadasy bar,
Ol gaýdyp gelene bermez karary:
Diriler gezip ýör, gysyp dişlerin,
Ölenleň ölmüne sebäpkär ýaly.

Oňa kyn söweşde ölendir öýdüp,
Uzak ýerde ýadygärlik dikdiler.
Ýyllar geçdi. Geldi öýüne gaýdyp.
Ýyldyz berip, Gahryman at dakdylar.
...Ine, dur ol öz-özüniň öňünde,
Olaň biri öli, birisi diri.
Şeýle bir gam dömdi garry göwünde,
Beýle gam çekmändi dogaly bäri.
Söweşende ärdi. Soňam ärdi ol.
Ýöne häzir bir ejize meňzeýär.
Öz öňünde çal başyny egýär ol,
Onuň öz öňünde nä günäsi bar?
Agyr gamdan ýere çümdi dyzlary,
Ol saňa sedasyz okady nälet.
Bireýýäm bitipdi tygyň yzlary.
Şindem öleňokmy?
Indikiň näme?..

Soldat ýüregi
Ol beýik Wolganyň sag kenaryndan
Alymlar tapdylar kaska, ýaragy,
Gapdalynda şindi ýere siňmedik
Ýatyrdy soldatyň urýan ýüregi.
Emaý bilen gazyp alyp gudraty,
Üýşdüler daşyna hersi bir ýerden.
Bu eziz howadan dem alan ýürek
Adam sesi bilen gürledi birden.
«Bu jepaly ýer astynda
Ýürek gaty kän.
Buýruk ýerne ýetirildi,
Ýoldaş kapitan!»

(G. Ezizowdan)

145

Forum | UMUMY BÖLÜM | Şygyryýet dünýäsi

At yazmak

At yazmak

Gideliň bäri

At yazmak

At yazmak

At yazmak

At yazmak

At yazmak

Goşgy

At yazmak