Dreamfull : Боль души — это соль невыплаканных слез.

 Gytyndan
 Yekejelai [off]
 14.06.2024 / 01:24
 Øzime_dønein?

Iňrik bolup batyp gitdiň bagtymdan,
Gyzartdyňda ykbalymyň ýüzüni.
Gije meniň aýagyma çolaşyp,
Tümlük gapdy geljegimiň gözüni.

Bar zat birden görmegini ýitirdi,
Hem getirdi hyýalymy amana.
Tekiz ýerde umydyma büdredim,
Gara başym olja boldy dumana.

Dabanyna ot basylyp, dalanan
Söýgim bilen wepat boldy höwesim.
Ham-hyýallaň, garaşmalaň, ýanmalaň,
Güman bilen ýalan tutdy öwezin.

Görk bermediň gijelerme Aý bolup,
Başarmadyň şöhle saçyp Gün ýaly.
Iňrik bolup batyp gitdiň bagtymdan,
Menem galdym gol gowşuryp güň ýaly.

#AshyrOrazow

Teswir ýazmak üçin Içeri giriň ýa-da Agza boluň →!