Premium
 BAYOGUL [off]
 14.06.2024 / 07:32
 Aldamak aňsat biz ýaly sadalary

Umytsyz söýgüde hiç ýaşamazdym. Men muña hiç ökünemok, ýöne halym perişan. Ony ilki görenimdäki gül ýüzüni hiç unudup bilemok, ýüregme basylan yşk oduny hiç öçürüp bilemok. İlki günlerdäki oñ hoşomaý sözleri, näbileýin meni beýle tussag edäýjegini! Bu manysyz söýginiñ soñunyñ geljegini maña bilmek - ýüregimi sessiz agladyp, bedenimiñ ruhy giden ýaly etdi. Aslynda söýgi dünýäsinde ýaşamak, akyl gider derejede söýmek ýönekeý ynsana mahsus däl ekeni! Gynanamok! Sebäbi, o dereje söýgi diñe gözel ALLAHYMA mahsus ekeni, a men ony añmandyryn! Käşgä tanyşmadyk bolsadym, bu manysyz söýgüde ýaşamazdym, her agşam Günüñ batyşyny synlap, biziñem bir gün şeýdip batyp gitjekdigimiz ýadyma düşýär hemem bir az rahatlan ýaly bolýan. A ýöne ýene ýadyma salamda welin agym tutýar, göýä bu dünýäde many ýok ýaly. Ýogsa düşünýänem bu zatlaryñ biderekdigine! Bilemok, bu ne dert?! Ýa REBBİM, söýgi ne gudurat?! ALLAHYM, ýalbarýan, öz ýaradan ynsanyñy söýüp - söýülmezlige duçar etmäweri! Gynanmajak bolýan, belki, meñ ýazgydymda bardyr beýle ýagdaý. Gözümüñ açylmagyna ýardam eden ALLAHYM, saña sükürler bolsun! Söýgi, söýgi. Köpler saña ynanmaýar. Näme üçin beýle?! Men ýönekeýje ynsanlyk derejäm bilen söýdüm! Çynym, artyk söýmedim. Her gün diledim ALLAHYMDAN menden aýyrma ony diýip. Ýogsa, oña mynasyp däldigimi bilýädimem-ä! İndi däldirin, her bir ýaradylan ynsana özüniñ çydap biljek, göterip biljek derejedäki yşgyny ber diýip ýalbarýan ALLAHYMA! Men şu setirleri ýazanymda gözüm çygjardy agladym, ýöne näme edeýin, ýazgyt-da bu, ýazgyt.
KÄŞGA OÑ BİLEN TANYŞMADYK BOLSADYM!!!

Ýalñyşlygym söýmedigiñ ugrunda,
Nähak ýere ýanyp, bişip, köýmegim.
Ýalñyşlygym oña sensiz ýeketäk,
Ýaşaýyşy başaramok diýmegim.

Ýalñyşlygym diñe şony eý görüp,
Hemmelerden artyk hormat goýmagym.
Ýalñyşlygym gowularyñ dünýäde,
Kändigini indi-indi duýmagym.
Awtory:Maksat saryýew

Teswir ýazmak üçin Içeri giriň ýa-da Agza boluň →!