BAYOGUL : İndi kim söýýän diýse näçe günlik diýip sorajak .

 Gytyndan
 Yekejelai [off]
 15.06.2024 / 23:45
 Øzime_dønein?

Awstraliýanyň günbatar böleginde ýerleşýän Goldfilds-Esperansyň günortasynda Hillier köli bolup, bu köl özüniň gülgüne reňki bilen dünýä täsinlikleriniň arasynda ýer alýar. 1802-nji ýylda iňlis syýahatçysy Matweý Flinders tarapyndan açylan bu kölüň uzynlygy 600 m, ini bolsa 250 m bolup, onuň iň ajaýyp aýratynlygy gülgüne ýagny janly reňke eýe bolmagydyr. Alymlar ilki gülgüne suwlaryň kölüň düýbünden emele gelýändigine ynanypdylar, emma suw bir gaba guýulanda-da öz reňkini saklaýandygy belli edildi.Kölüň düýbünde bitýän ýeke-täk janly-jandar “Dunaliella salina” atly suwotydyr. Ol suwuň temperaturasy we duzlulyk derejesi ýokarlananda gyzyl reňkde beta-karotin (gyzyl pigment) atly bir madda öndürýär. Bu madda suwotulary ýokary energiýaly Gün şöhleleriniň zyýanly täsirinden goraýar. Şol döwürde gyzyl halofil bakteriýalar hem köpelýändigi üçin kölüň reňki gülgüne ýa-da gyzyl öwüsýär.Düzüminde duzuň artykmaçdygyna garamazdan, köl ýüzmek üçin howpsuz hasaplanylýar. Şeýle-de bolsa Günbatar Awstraliýanyň Daşky gurşawy goramak müdirliginiň tassyknamasy esasynda kölde suwa düşmäge rugsat berilmeýär.


#https://www.atavatan-turkmenistan.com/dunyanin-ajayyp-tasinlikleri/

Teswir ýazmak üçin Içeri giriň ýa-da Agza boluň →!