BAYOGUL : Name ucin soyguliler günü barda, soygulsizler güni yok na biz adam dalmi??

Premium
 BAYOGUL [1s]
 21.06.2024 / 08:10
 Yurekdesh.ru

Günlerde bir gün Aýnanyñ öñünden Mekan çykyp: - Aý gyz, Aýna!
Meni tanaýanyñy hiç kime aýdaýma, eşidýärmiñ? Men sen sebäpli, üstümden gülünmegini islämok! Asyl meñ gözüme görünmejek bol!-diýdi. Aýna gaharly:
-Men sizi tanamok, siz ýalnyşdyñyz öýdýän-diýip gürledi. Biraz ýöräp, yzyna garap:
-Mekan, arkaýyn bolaý, seni tanamadyk bolup gezerin! Sen bir üstüñden adam güläýmesin- diýip, kinaýly gürledi.
-Adam ýaly gürle, meñ bilen gürleşeñde.
-Señ bilen men gürleşjek bolup alada galyp ýördüm-dä.
-Meñ bilen ýeke minut gürleşip bilseñ, armanyñ galmaz gurjak.Ýöne, sen ýalylara men wagtymy ýitirip durmaýan, asyl siz tarapa seretmeýän.Bar, gitde kitabyñy oka! Birden ikilik alaýma-diýip, Mekan iç ýakgyç güldi. Aýna jogap bermek islemedi. Baýyñ ýekeje lälik ogly zada düşünmejegini bildi. Ol bu hakda ejesine aýtmak islemedi. Mekanyñ oña "şugulçy oba gyzyndan başga nämä garaşjak" diýjegini
bilýärdi. Aýna uniwerstetden çykyp, bazara gök-sök almaga gitdi. Ogultäç biraz kitaphanada eglenmeli boldy. Aýna kitap-okuw pikirleri bilen gümra bolup, duralgada durka, ýanyna Ahmet daýy Mekanyñ kakasy geldi. Ol gele-gelmäne:
-Aýna, gyzym! Salamälik gowmyñ? Okuwlañ nähili? Umumy ýaşaýyş jaýyna ýerleşdiñmi? Ejeñ, mamañ meñ daýzamyñ ýagdaýlary gowmy?Sen näme bärde ýeke dursuñ, getir goşlaryñy? Ýör, maşyna, durma bärde-diýip, yzly-yzyna sorag baryny berip, maşyna tarap ýöredi. Aýna onuñ soraglarynyñ barsyna jogap berdi. Ýolda Ahmet daýy: -Señ ejeñ, meñ daýzam ÿagny señ mamañ wagtynda maña uly kömek etdiler. Uzakly gün işleýänim sebäpli, Mekana oñly seredip bilmeýärdim. Olar iýdirip-içirip, ýuwunduryp, geýindirýärdiler. Indi gezek meñki! Sen kösenseñ aýtgyn, ýanyñda ýeterlik pul barmy? Ýogsa-da, Mekanjanam señ okaýan uniwersitetiñde okaýandyr-a! Görenä dälsiña?-diýip sorady.
Aýna jogap bermek islemese hem:
-Ýok, görmedim. Uniwerstitet uly. Soñam sapaklarymyz deñ gelýänem däldir- diýip, sypaýjylyk etdi.
-Dogry, dogry! Seni gören bolsa,oglum Mekanjan aýdardy ahyry-diýdi. Soñam:
-Eger umumy ýaşaýyş jaýynda ýaşasyñ gelmese, biziñ öýe gel. Sana aýratyn otag bereris, Mekan bilen bileje gatnarsyñyz-diýip, sözüniñ üstüni ýetirdi.
-Tañryýalkasyn! Hudaýa şükür, gül ýaly-diýdi-de, içinden: "Kakasy gyzyl ýaly adam, ogly weli...bolýarda. Ejesine çekendir" diýip, pikir etdi.
Gyş pasly gutaryp, bahar geldi. Okuwlar dowam edip durdy. Aýna Mekan hakda asla pikir etmeýärdi. Ogultäç hem Ahmet bilen günleri şatlykda geçirýärdiler. Bir gün Aýna ejesi jañ etdi:
-Gyzymjan, sen mamañ agyr keselledi. Şu wagt ýolda Aşgabada hassahana äkidip barýas. Gyzymjan, mamañ zordan dem alýar-diýip, agyr gatyşykly aýtdy. Aýna ejesinden haýsy hassahanadygyny sorap, Ogultäje duýduryp ylgap çykyp gitdi. Haýdaşlap, ylgap barýan mahaly, öñünden Mekan dostlary bilen çykdy.
-Oho, muña serediñ, oba gurjagy ylgap barýar.-diýip, gülüşdiler.
-Oba gurjagy, näme aglaýañmy? Goý, goý saña degmek niýetimiz ýok-diýip, has beter gülüşdiler.
Aýna olar bilen jedel etmek beýlede dursun, hatda ýüzlerine seretmek hem islemedi. Onuñ bar aladasy şu wagt mamasydy. Ýigitlerden içgiñ ysy gelýärdi. Ýörejek bolanda, Mekan elinden tutup:
-Aýna gyz waý nirä barýañ? Biz bilen salamlaşman gitjek bolma-diýip, ol Aýnany özüne tarap çekdi. Gyzyñ sabyr käsesi dolupdy, ol gitmelidi:
-Men sizi tanamok! Goýberin elimi- diýip, elini çekip aljak boldy. Ýöne, gyzyn güýji asgyn geldi. Oglanlar gyzyñ aglaýşynada, ýalbarşynada seretmän, maşyna saldylar. Soñam şäher etegine äkitdiler...

Teswir ýazmak üçin Içeri giriň ýa-da Agza boluň →!