Gerekli
 Yekejelai [off]
 21.06.2024 / 12:18
 Özime_dönein.♡

Toý gidip dur goñşymyzyñ öýünde,
Saz ýañlanýar gutlag sözler diýilip.
Ýöne meñ ýüregim gutaryberdi,
Bir ujundan gurçuk deýin iýilip.

Hatda, ejemjanam toý lybasynda,
Toýlaýar ol päk söýgümiñ ýasyny.
''Wah, eje jan, sen bir ýakma ahyry,
Göreñokmy ýüregimiñ ýaşyny?!''

Häzir şowhun bilen geler gelinalyjy,
Päkize söýgimi depeläp, basyp.
''Eje jan, şonda-da begenermisiñ -
Äkitseler bagrym kerçeläp, kesip?!''

Jinnek ýaly umydym hem galmady,
Hasratlarym aslyşyp dur boýunda...
...Hanha, gelinalyjy tozanlap barýar,
Toý gutardy goñşymyzyñ öýünde...

#BatyrMeredow

Teswir ýazmak üçin Içeri giriň ýa-da Agza boluň →!