Gerekli
 Aixcam_nx [off]
 25.06.2024 / 18:43
 Raionymyn ovadanjasylai_nx

Bir-biregiň zaryn çekip ýörmeden
Çykyp gitdi biziň bizar-peteňmiz.
Bizi duşurardan ejiz bu ýyllar,
Diýmek, biderek-dä arzuw edenmiz?!

Indi ikimize görüşmek ýokmy,
Kesişýän ýerinde öwrümli ýoluň?
Hemem mundan beýläk deň bolmalymy,
Seniň bu dünýede barlygyň-ýoguň?

Hoşlaşyk zoguny çalan otly dek,
Gidibermelimi tebsirän günler?
Ot düşensoň oňa gyzgyn demimden,
Seni zol soraýar sensirän günler.

Seni ellem bilen ýok etdimmi ýa?!
Gazaplanýan ýumruklarmy düwýän-de.
Hak aşyklar bir-birinden jydadyr,
Bu şeýle bolmaly ýaly dünýäde.

Söýen kişi ýetýän bolsa myrada,
Hem-ä söýdük, hemem söýüldik mäkäm.
Aýrylmaly boldum senden, ezizim,
Söýgiň lezzetinden ganyp bilmänkäm.

Gynansagam, düşmedi bir küpeden,
Durmuş otlusyna alan petegmiz.
Bir-biregiň zaryn çekip ýörmeden
Çykyp gitdi biziň bizar-peteňmiz.
© MYRATGELDI HALLYÝEW,

Teswir ýazmak üçin Içeri giriň ýa-da Agza boluň →!