Belki : Kimlerin koynuna girdin, Öpmeye kıyamadığım! #Sabahattin Ali

Premium
 BAYOGUL [on]
 11.09.2024 / 19:42
 Yurekdesh.ru

Greýam Bell telefony oýlap tapypdyr. Ol Şotlandiýanyň Edinburg şäherinde dogulýar. Soňlugy bilen Belliň maşgalasy Kanada, soňra hem ABŞ göçüp gelýär. Bell bilimi boýunça inžener - elektrik hem fizik hem bolmandyr. Ol aýdym – saz we suhanwerlik sungaty mugallymy bolup işläpdir.
Ady
Aleksandr Graýam Bell
Doglan wagty 3,Mart, 1847 Şotlandiýa
Ölen wagty 2 Awgust, 1922
Käri Inžener - elektrik hem fizik, Alym
Goşantlary Telefony oýlap tapdy
Aleksandr Bell 1893-nji ýylda gepleýiş synasynyň fiziologiýasy boýunça Boston uniwersitetiniň professory bolýar. Ol akustikany, adamyň gürleýşiniň fizikasyny dykgatly öwrenýär, ondan soň ses yrgyldylaryny ugradýan enjamda tejribe geçip başlaýar. Şeýlelikde, ol kem-kemden telefony döretmek taglymyna ýakynlaşyp başlaýar. Ol eger-de elektrik togunyň yrgyldylaryny döredip bolsa, dürli sesleri geçirmäge mümkinçilik dörejekdigine ynanypdyr.

Basym Bell öz iş ugruny üýtgedýär we bir wagtyň özünde birnäçe tekst ugradyp boljak telegraf döretmegiň üstünde işläp başlaýar. Telegraf döretmek boýunça alyp barýan işlerinde ýüze çykan tötänlik ony ýene-de telefony oýlap tapmaga alyp baran hadysanyň üstüni açmaga kömek edýär.

Bir gezek Belliň kömekçisi geçiriji enjamdan plastinkany çykarypdyr. Şonda kabul ediji enjamda Bell şygyrdy eşidipdir. Belli bolşuna görä, plastinka elektrik zynjyryna utgaşyp soňam açylan eken. Bell bu ýagdaýa örän ünsli çemeleşipdir. Birnäçe günden soňra sesi gataltmak üçin signal berýän buýnuzdan, deprek deriden we uly bolmadyk membranadan ybarat ilkinji telefon enjamy döredilipdir. Bu enjam ähli telefon enjamlarynyň başlangyjy bolupdyr. Şeýlelikde, 1876-njy ýylyň 10-njy martynda Bostonda (ABŞ) ilkinji telefon gepleşigi Aleksandr Greýam Bell we onuň kömekçisi Tomas Uotsonyň arasynda geçirilipdir. Ilkinji öý telefony ine şunuň ýaly oýlanyp tapylypdyr.

Muňa garamazdan A.G. Belle we dürli ýurtlardaky inženerlere, telefon aragatnaşygy häzirki görnüşine eýe bolýança, onuň üstünde ýene-de köp işlemeli bolupdyrlar.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!