Halan filmlerim | YekeTak.Ru

Täzeje
Aly [off]

08.10.2024 / 15:14

1. Ar alyş (2019).

Dünýäniň meşhur kino ýyldyzy, “Ýakyn aralyk” (2015), “Agyr maksat” (2016), “Jedelsiz 2-3-4” filmleriniň baş gahrymany Skot Edkins bu filmde hem aýgytlaýjy roly ýerine ýetirip, kino dünýäsinde ýene bir meşhurlyk gazandy.
Filmiň gysgaça mazmuny:
Agasyndan pul komek bermegini sorap, Keýn Býörjs onuň tabşyran ýumşuny bialaç ýerine ýetirmeli bolýar. Ýöne bu oňa agyr jenaýat hökmünde gelip, ol bigünä adamyň ölümine sebäp bolýar. Şeýlelikde ony Angliýanyň iň agyr türmesine 7 ýyllyk tussag edýärler. Emma türmede wagty hem oňa gün bermeýärler.

Ýaşaýyş üçin gündelik bolýan uruşlary Keýn hasabam edenokdy ýone günleriň birinde ol özüne edilýän jebirleriň aňarsynda agasynyň durandygyny eşidende welin, ol şondan beýläk özüni bu zalym türmede sowukganly ganhora öwüren adamlardan ar almagy ýüregine düwüp, türmeden gaçmagy başarýar. Ine şondan soň iki doganyň arasynda dartgynly söweş başlaýar.

2. Ýiti kart (2015).

Kino sungatynda ýene bir yz galdyran meşhur ýyldyzymyz, galyberse-de “Ynsan gazaby” (2021), “Daşaýjy 1-2-3”, “Çalt we gaharly” filmleriniň esasy rollaryny ussatlyk bilen ýerine ýetiren Beýik Britaniýaly aktýorymyz Jeýsan Stetham özüniň başa-baş söweş usullaryna nahili erk etýändigini bu filmde hem has aýdyň görkezmegi başarypdyr.
Filmiň gysgaça mazmuny:
Öň harby işgär bolup işlän Nik Waýld, Las Wegas şäherinde howpsuzlyk işgäri bolup işleýär, ol puluny tygşytlap, Korsika adasyna hemişelik göçüp gitmegi arzuw edýärdi. Günleriň birinde köne tanşy Holli oňa kömek etmegini haýyş edýär. Hollä şäheriň ady belli garakçysynyň ogly 3 bolup azar berýärler, kemsidýärler, muny eşiden Nik öz maksadyny soňa goýup, ejir çeken tanşyna kömek bermegi ýüregine düwýär we olary öz jaýlarynda keýp edýärlerkä, urup jezasyny berýär.

Ýöne munuň bilen waka tamamlanmaýar, duşmanyň adamlary näçe köp bolsa söweşem şonça dowamly bolýar, olar Nikden ar almak üçin elinden gelenini etmäge başlaýarlar.

3. Berk çäreler (2016).

Elbetde siz “Aramyzdaky daglar” (2017), “Garaňky minara” (2017), “Çalt we gaharly: Hobs we Şow” (2019) filmlerini gören bolsaňyz gerek. Şol filmlerde özüni köplenç agras, ýaramaz duşman hökmünde tanadyp, tomaşaçylaryň söýgüsini gazanmagy başaran Londonly, kino we telewideniýe aktýory Idris Elba “Altyn Globus” baýragyna-da mynasyp boldy (2012). Şeýle hem, Idris özüne çekiji aktýorlygy we çuňňur duýguly täsirliligi bilen hem tanalýar. Bu filmde hem ol baş roly ussatlyk bilen ýerine ýetiripdir.
Filmiň gysgaça mazmuny:
Jübükesme ogry Maýkl Meýsan günleriň birinde bir gyzyň sumkasyny ogurlaýar ýöne onuň içinde bomba bardygyny bilmänsoň ony çem gelen ýere zyňyp göýberýär. Aradan 3 minut geçmänka bolsa bomba ýarylýar. Aslynda ol bombany şol gyz başga ýerde ýarmalydy emma Maýklyň ýüz keşbi kamerada anyklanansoň, muny kän wagt geçmanka Merkezi aňtaw gullugynyň batyrgaý we ýiti wekili Şon Braýar ele salýar we sorag edýär. Soraglaryň netijesinde Maýklyň günasiniň ýoklugy anyklanýar ýone eýýäm giçdi. Sebäbi indi Maýkl we şol sumkaly gyz gizlin jenaýat guramasynyň nyşanyna öwrülýarler. Iň gynandyrýan ýerem, bombany taýýarlan jenaýatkäler – polisiýa işgärleriniň içinden çykýar.

Başga-da ajaýyp filmler kän, nesip bolsa galanyny indiki mowzuklarymda paýlaşaryn.
Internetden terjime edip taýýarlan: Aly Çaryýew

166

Forum | SUNGAT ÄLEMI | Dünýä kinosy

GELNEJEM

GELNEJEM

GELNEJEM

Катюша

Катюша

Катюша

Gara Saçyň Dökülipdir Döşiňe

С праздником! С 9 мая!

Ýalňyş yşk-my?

Muny Bilmek Gyzykly !