Sebap : Ýekelige öwrenşen adamy ýoklugyňyz bilen jezalandyryp bilmersiňiz

 Özümiziňki
 Hyyalbent [off]
 31.10.2024 / 11:20

Çildiñ gitdiñ ýüregimi,
Dünýäniñ düzüw mahaly.
Yşk kör etdi garagymy,
Dünýämiñ düzüw mahaly.

Nepesimden ýakyn saýyp,
Möhürledim keşbiñ kalba.
Oda düşdüm gökde gaýyp,
Bişeninde gyzyl alma.

Eñegimiñ köse wagty,
Ýañagym gyzartdy söýgi.
Arzuw bilen ekdim bagty,
Harmanymda gussa, görgi.

Gör nähili jepakeşdim,
Ömrüm paýlap ýyllaryma.
Ýalñyzlygy jeza kesdim,
Senden aýran ýygralygma.

Wagty yza dolap bilsem,
Kalbymdaky gül solmazdy.
Göwün syrym çözlän bolsam,
Belki senem dul galmazdyñ.

© Süleýman TEKÄÝEW

Teswir ýazmak üçin Içeri giriň ýa-da Agza boluň →!