BAYOGUL : gülmek gou zat ýöne biriniñ üssünden däl

 Özümiziňki
 Gerceknazar [off]
 01.11.2024 / 16:27
 Kanagatly bende baýdyr soltandan

Şahyrlar ir ýogalýarlar ,
Gidýärmikä aýny wagty ?
Ýa gidende duýýarmykak,
Ýanymyzda duran bagty?

Elinde aglaýar galam,
Derdini depder göterýär.
Deňiz deý dälirän ruhy,
Çagany dünýä getirýär.

Şahyrlar ir ýogalýarlar ,
Sebäbini bilýäňizmi?!
Kalp syzlasa syzarsyňyz,
Ýaşaýarka ölýändigni.

Ýazýar derdini siňdirip,
Her setirde müňläp yza.
Ýürekdäki hasratlarny,
Sygdyranok ak kagyzam.

Ýaralar çişýär ýürekde,
Göreşýär öz-özi bilen .
Soň soramaň syrlaryny,
Gidýär onuň yzy bilen .

Ýer şaryna sygman köňül,
Başga dünýe döredýärler,
Şeýdip şahyryň ömrüni,
Eserleri ýöredýärler.


Gerçeknazar Amannazarow
Ahal welaýatynyň Gökdepe etrabynyň Isberden obasynyň ýaşaýjysy .

Teswir ýazmak üçin Içeri giriň ýa-da Agza boluň →!