Diamante_08 : Çakalların özgürlüğü Aslan yerden kalkana kadardır.

 Özümiziňki
 Gulmahrem [off]
 03.11.2024 / 13:08

Ömür ykbalymyz beren eý,Taňrym!
Döwür çaglarymyz beren eý, Taňrym!
Senden bidin bir iş bolmaz ynanýan,
Hata eden bolsak, bagyşla bizi!

Gadryny bilmän, ömür-öwran, çagyň,
Parhyny bilmän döwür-döwran şanyň,
Erkimiz aldyryp, bu pany dünýä,
Hata eden bolsak, bagyşla bizi!

Bereniňe şükür etmän hars urýas,
Edeniňe pikir etmän ýer depýäs,
Göwün-kalbda kanagaty ýitirip,
Hata eden bolsak, bagyşla bizi!

Öz-özümiz aldap, ynam-yhlasda,
Öz göwnümiz aklap, ynsap-wyždanda,
Iman hakyň munda saýlap seljermän,
Hata eden bolsak, bagyşla bizi!

Aňymyzda müň bir ünji-güman bar,
Kalbymyzda müň bir düwün-duman bar,
Dini-imanyňda, haýyr-yhsanda,
Hata eden bolsak, bagyşla bizi!

Şandan göçüp, at-abraýa guwanýas,
Çagdan göçüp, şan-şöhrada buýsanýas,
Inkär edip kysmat kyýamatyňy,
Hata eden bolsak, bagyşla bizi!

Atanyýaz Orunow

Teswir ýazmak üçin Içeri giriň ýa-da Agza boluň →!