“Meni söýgim üçin bagyşla, Taňrym...”
Gerekli Baron [off] 05.11.2024 / 20:37 “Her setirim ruhumdaky ýaramdyr...”
Meni söýgim üçin bagyşla, Taňrym!
Giňiş gursagymy daraldyp, talap,
Umytlarmy ýenjip çalajan eýlän
Bir zyba gözeli galaýdym halap…
Kyýamata galmasyn, goý, bu kasas,
Hasaplaş, söýgimden başgasyn al-da!
Törden orun aldym (begenmelimi?..)
Ýanan aşyklaryň maşgalasynda.
…Emen süýdüm çig-dä meňem,
Şoň üçin
Meni söýgim üçin bagyşla, Taňrym!
Ýazan takdyryňa bolmadym kaýyl.
Razy etjegime gözüm ýetirsem,
Hormatly myhmanym bolsun Ezraýyl!
Bolşum — paradoks,
Häsiýetim — çigin.
Yş gözleýän günortany gündiziň.
Garaňkylyk gözläp ýörün gijeler,
Ysyna zar bolup tämiz gül gyzyň.
Kalbyma dözüm ber, iňlemesin ol,
Goý, ýakyn görünsin bärimden aňrym!
Ynam ber,
Umyt ber,
Ýöne öňürti
Meni söýgim üçin bagyşla, Taňrym!..
©Sapa HOMMADOW
Teswirler:
Özümiziňki @menin_dunyam [off] Ak ÿűrekli, gara geÿinen derwűş men 05.11.2024 / 20:44+1Ustinlik dosm
Täzeje Tiidaly [off] 06.11.2024 / 07:29+1Nokot ...
Öwreniji gul [off] takvimin en guzel yaprağıýdı seni gordüğüm gün...♥ 06.11.2024 / 12:52+1
gaty gowy ustinlik
Soňky teswirler
Içeri gir
Agza bol
Gerekli
Özümiziňki
Täzeje
Öwreniji
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 
.gif)
...
...