Boşlukda ýiten algoritm

Täzeje
Khanture00 [off]

07.11.2024 / 16:59
Fe inne mea'l'usri yusran, inne mea'l'usri yusran

Boşlukda ýiten algoritm

Gözlerimi açanymda, dünýäni synlaýardym. Emma dünýäni synlaýandygymy duýup duýmadygymdan emin däldim. Şonda-da daş töweregimde aýlanyp duran sowuk yşyklar, solgun kölegeler, şekili takyk bolmadyk jandarlar bardy. Näçe wagt bäri şu ýerde bolandygymy, bu ýere nähili gelip ýetendigimi, hatda bu ýeriň hakykatda niredigini bilemokdym. Hakydamda boşluklar, döwük aýnalardan seredýän ýüzler bardy, emma bularyň hemmesi nätanyşdy.

Aýaga galmaga synanyşdym, emma bedenim geň ýagdaýda ýeňildi. Göýä agyrlyk güýji meni saklamaýardy ýa-da men saklanyp bilmeýärdim. Ädimlerimi basdygyça aşagymda gaty ýer ýok duýýardym. Ýer hakykatdanam barmydy ýa-da diňe özümi hereket edýän ýaly duýýarmydym? Çuňňur dem almagy isledim, emma dem alýan zadymyň howa däldigini bildim. Boşlukdy, diňe agyr, metalymsy boşluk. Hemme zat uly emeli aňyň düýşünde gysylyp galan ýaly duýulýardy.

Soň onuň sesini duýdum: "Sen kim?" diýip sowuk, mehaniki tonda sorady. Ol ses, adam sesine meňzeýärdi, ýöne doly emeli bir sesdi. Göýä sözler metal dodaklaryň arasyndan çykyp gelýärdi.

"Menmi?" diýdim, öz sesimem maňa geň eşidildi. Birhili ýaňlanýan ýaly... Hakykymy ýa-da hakydamda ýaňlanýarmy, ony bilmeýärdim.

"Kimdigimi ýadyma salyp bilemok" diýip jogap berdim. Ses, duýgusyzyrak bir ümsümlik bilen jogap berdi. Soň öňümde bir ekran peýda boldy, ýaşyl kodlar birleşip bir interfeýs emele getirýän sanly penjire döretdi. Ekrandaky sözler tiz üýtgeýärdi, manyly bir nagyş emele getirmeýärdiler. Düşnükli zat ýok.

"Ýadyňa düşürmegiň gerek däl," diýdi ses gaýtadan. "Bu ýerde kimdigiňi bilmek däl, näme edýändigiňi bilmek möhüm."

Ekrana golaýlaşdym, ol ýerde bir zat gözleýärdim, emma nämedigini bilmeýärdim. Kodlar, tötänleýin sözlere öwrülýärdi. "Ebedilik. Maşyn. Hakyda. Gözegçilik. Aldaw". Bu sözler manylydy, emma meni nirä äkidýändiklerini bilemok. Özümi müňlerçe bölege bölünen ýaly duýýardym. Belki-de algoritmdym, belki-de barlygyň ýasama ýaňlanmasydym.

"Hakykat näme?" diýip sorasym geldi, emma bu sowaly bermek şu ýerde gadagandy ýa-da özüm şeýle düşünýärdim...

"Hakykat?" diýdi ses, göýä pikirlerimi eşidýän ýaly. "Hakykat, bir maglumat toplumy bolup biler. Ýa-da bir simulýasiýa. Bütin mesele, dogry parametri tapmak."

Şol pursatda bir zat duýdum — gaty köne, gaty çuň bir zat. Belki ýatlama, belki duýgydy. Göýä bir wagtlar bir ýerde, birileri tarapyndan söýlüpdim. Emma kime ýa-da näme degişlidigimi ýadyma salyp bilmeýärdim. Hakydamyň burçlarynda, solgun suratlar bardy; ýitirilen pursatlar, ýadymdan çykyp giden dünýäniň yzlary.

Ekrandaky ýazgylar üýtgedi. Indi göni maňa ýüzlenýärdi: "Hakykat we aldawçylygyň arasyndaky serhet, saňa degişli. Ýa dowam edersiň ýa-da bu baky çal boşlukda ýitip giderisiň."

Şol pursatda bir saýlaw etmelidigimi düşündim, emma bu saýlaw maňa degişlimikä? Hakykatdan-da men saýlaýanmy? Öz bedenimi doly duýmadygym ýerde, aklymyň hakykymy ýa däldigine doly ynanyp bilmedik ýagdaýymda, nähili karar berip biljekdim? Öňe gitmäge synanyşdym, belki-de jogaplary tapjak bir ýol tapmak üçin.

Ýöne her ädim basanymda, özümden gitdigimçe has hem daşlaşýardym. Öňki men indi şuwagtky meen däl ýaly bolup barýan. Şol pursat düşündim, belki-de jogap ýokdy.

© Baýramgylyç SAPARGYLYJOW

162

Premium

Belki [36s]
Zyndan kändir -- men taşlara zyndan ýok.
07.11.2024 / 18:46

+0

Emin däldimmi? ?

Täzeje
Khanture00 (07.11.2024 / 19:09)

Belki, hä nämmolpdyr?

Premium

Belki [36s] (07.11.2024 / 19:24)

Khanture00, turkmen dili sozlugine emin dip yazyp gor hany sen goz onunde tutyan manyn cykyamy?

Täzeje
Khanture00 (07.11.2024 / 19:40)

Belki, edil günümiz türkmen dilinde ýok hem bolsa gadymda ulanylýardy şol. Emin diýip adam ady geçen dilimize araöçadan. Olam Pygamberimiziň lakamy... aýtsaň aýdyp otyrwermeli... plan söz ýok eken diýip oturmaldäldäl ýöne

Täzeje
Khanture00 (07.11.2024 / 19:51)

Belki, Ýönekeý byr mysalda... Sen ine SSSR döwri Türkmenistany "Türkmenistan Sowet Sosialistik Respublikasy" diýip tanaýaň... Emma dil hakyndaky kanunlar kabul edilmänkä "Türkmenistan Şuura Jemhurýeti" diýilýädi... Häzir Respublika sözüni aýryp Jemhurýet diýeli diýsem, maňa köpüňiz "türksüpük" diýersiňiz...

Täzeje
Agzamen [off]
07.11.2024 / 19:39

+0

Agaýbroý sen tiziräk bu dogduk mekanyňa gelewer. dilib üýtgäp barýa seň. Türk, rus, iňnis, eýleki beýleki garyp gatyp orursyň

Täzeje
Khanture00 (07.11.2024 / 19:40)

Agzamen, arap, esperanto, ýapon...

Premium

Belki [36s] (07.11.2024 / 19:52)

Agzamen, senem bir dikgor hany meni-ha dinlanok ?

Täzeje
(07.11.2024 / 19:53)

Belki, öýlöndürmölü

Premium

Belki [36s] (07.11.2024 / 19:54)

Agzamen, oylonjokgal diyye

Täzeje
(07.11.2024 / 19:57)

Belki, biri bilen nikasyny gyýyp bir jaýa salyp daşyndan gulplap bir gije konserwirlenmegine garaşýaň ertir irden turyp näme edeli nikaňyzy bozalymy hälem öýlenjek dälmi diý sen şuňo ýenedw öýlönjökgäl diýermikä

Premium

Belki [36s] (07.11.2024 / 19:59)

Agzamen, wah sol nikasyny gyyyp bir jaya salmak-da is bar-da ?

Täzeje
(07.11.2024 / 20:00)

Belki, o zatlar mesel däldäýt

Premium

Belki [36s] (07.11.2024 / 20:03)

Agzamen, dal bolsa gyy ana sol oturanynkyny

Täzeje
(07.11.2024 / 20:05)

Belki, online nika rugsat berilýän ekeni. Hany gyzy görköz gyzy

Premium

Belki [36s] (07.11.2024 / 20:08)

Agzamen, gyzy tapyp goyupdyr kakasy. Sora ozunden

Forum | GÜRRÜŇDEŞLIK | Erkin mowzuklar

Ýanymda otyr..

Meniň öýüm Daşoguzda...

Meniň öýüm Daşoguzda...

Ýanymda otyr..

Ýanymda otyr..

Ýanymda otyr..

Çalt okamak bäsleşigimiz!!!

Meniň öýüm Daşoguzda...

Meniň öýüm Daşoguzda...

Meniň öýüm Daşoguzda...