GuGaPRO : Durmuşdaky iñ uly bagt - saglykdyr. @GuGaPRO

 Gytyndan
 Baron [off]
 09.11.2024 / 14:37
 “Her setirim ruhumdaky ýaramdyr...”

Depseň-deprenmezdim — arzuwa baýdym,
Duýguda aýralyk “batyrdy” meni.
Aýa meňzeş däldi, özi bir Aýdy,
Şuglasyzlygy ir ýatyrdy meni.

Jahana sygmazdym, sygyp bir göwne,
Ýekeje ýylgyrşam des-deňdi ömre.
Pak şänige dönüp öňki dok göwräm,
Hazan jähenneme göterdi meni.

Ýyllar ýyla sapyp, gädäýjek ýaly
bolsa-da, bu söýgi güýjeýär häli...
Diňe bir zat belli, ýeke zat mälim:
Bagta barýan ýoda ýitirdi meni.

Küýsege bendiwan durkum-düýrmegim.
“Lebi meňli, göwni menli Süýtmeňiz
maňa hökman garaşýandyr...” öýtmegim
Şu şygry ýazmaga iterdi meni.

09.11.2024ý.


©Sapa HOMMADOW

Teswir ýazmak üçin Içeri giriň ýa-da Agza boluň →!