rexha : Söýgi nämedi? Men unutdum dogrusy,ol soňky bakyşyňdan soň.

Premium
 BAYOGUL [1s]
 13.11.2024 / 15:51
 Yurekdesh.ru

Bilmedim bizdenmi ýa-da döwürden
Duýgular ýürekden gaçyşyp barýar
Ýa-da çekmesi kyn takat-sabyrdan
Ynsanlar sarpadan geçişip barýar

Şükür, indi ýaşar bolduk doklukda
Müňläp adam aç ölýärkä ýoklukda
Hanha biri gürläp otyr köplükde
Sözleri dilinden gaçyşyp barýar

Adalatly göreşmeýär bilekler
Ýersiz ýere ynjydylýar ýürekler
Göriplikden gapylýarmy garaklar
Gözlerden uçgunlar öçüşip barýar

Ene-mamalaryň mähir gorlary
Ýetişdirdi gaýduwsyz, mert ärleri
Bugün ençeleriň namys-arlary
Guş bolup ýat ýurda uçuşyp barýar

Oýan nebsim, ýol tut ugruň Hak bolup
Ýagşylyk et, tanal göwni päk bolup
Düýnki görenlerim bugün ýok bolup
Dünýäsin täzeläp göçüşip barýar.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!