BAYOGUL : I'm quiet but not blind Sessizdirn ýöne kör däl

 Özümiziňki
 Gulmahrem [off]
 18.11.2024 / 09:37

Saba bilen salam beriň barlyga,
Saba bilen beriň dünýä salamy.
Älem-jahan salamyňy alar-da,
Mähirden doldurar göwün galaňy.

Säher bilen salam beriň ýaşula,
Alyň, ýaşkiçiler berse salamy.
Gojalar gadyrly hal-ahwal sorap,
Pähimden doldurar göwün galaňy.

Enelere salam beriň ir bilen,
Ýerlikli çözerler salan salaňy.
Enäň saglyndan başlanan söhbet,
Ýakymdan doldurar göwün galaňy.

Daň säherler bir bisalam sataşsa,
Saýgarsyň hol gözden ýiten garany.
Taňry salamyndan binesip kişi,
Wehimden doldurar göwün galaňy.

Saba bilen ýolda -yzda sataşsa,
Parhy ýokdur, tanyşmy ýa nätänyş.
Kiçi bolsaň,salamyňy gysganma,
Uly bolsaň, ahwalyny soramyş.

Salam berip galan ýokdur uýada,
Ýokdur salamyndan ýüregi ynjan,
Seniň belentligiň "Salam"bilendir,
Bisalam kişiler pesligiň, ynsan.

Akmyrat REJEBOW

Teswir ýazmak üçin Içeri giriň ýa-da Agza boluň →!