Ejeme hat. | YekeTak.Ru

Içeri gir

Agza bol

Yurekdesh.ru сайтын андроид программасы

Ýürekdeş sözler!

Sasiyona : Ellerinizde millionlyk telefon barka bir manatlyk adamlaryn janyna garasman#Sasiyona

Forum | GÜRRÜŇDEŞLIK | Erkin mowzuklar

Ejeme hat.

Gytyndan
Yekejelai [off]

21.11.2024 / 02:08
Øzime_dønein?

Ýyl diýeniň agramyça geçenok,
Ady ýaly gysgalybiýr, at çapar.
Indi meni alys iller hüwdüläp,
Atylmadyk daňlaryma o:t ýakar.

Ýogsa ejem, çilimi-de taşladym,
Şerapdan damagym ajanok indi.
Käte çaga ýaly küýsän mahalym,
Horkuldap-horkuldap sojamok indi.

Ykbal bizi ulaldyp ýör uzakda,
Gözümize çiş kakyp ýör ýatyrman.
Ajygan mahalym göz öňümde dur,
Meniň üçin şol bişiren batyrmaň.

Düýn-öňňun ugradan goştorbaňy-da,
Ýolugra gelinçäm gujaklap gaýtdym.
Mähriňe çoýulan çörekleri-de,
Agşamyna iýip, ysgaplar ýatdym.

Elleriň yzyny pozmazlyk üçin,
Ugradylan eşiklerim geýemok.
Ýüregime daş gaçan deý agralyp,
Käte sesiň eşitmesem gülemok.

Şeýdişip geçip dur günlerem ynha,
Ogluň bärde sag-salamat gezip ýör.
Gaýgy etme, dilegleriň eşidip,
Gujagyny Türkmenabat gerip ýör.

#RahatŞyhyýew