Özümiziňki
 @menin_dunyam [off]
 Şugün, 01:49
 Ak ÿűrekli, gara geÿinen derwűş men

Eje, maña gamgyn ýazma diýdiler,
Gussalam ili-de irizipmişin.
Ýöne şatlyk bilen aýrylan ýolum,
Indi başaranok birigip düşün.

Bilýänle, bagt alyp bolmaýanyny,
Aglap, dilegleri arša ugradyp.
Bolmanda otlanan ýuregim beri,
Başarsady kirpiklemi guradyp.

Günlerem bir kezzap söwdagär deýin,
Aldap ýörler, sargydymy äkelmän.
Özümem ýadadym müýnüm bar deýin,
Bukulmakdan bir burçunda mähelläñ.

Gurap barýan töññe pisint göwnümi,
Hasratlarym gurçuk gibi iýdiler.
Düşün, meniñ gamdan başga miwäm ýok,
Maña bolsa gamgyn ýazma diydiler.

Matgurban MĂTGURBANOW

Teswir ýazmak üçin Içeri giriň ýa-da Agza boluň →!