Gel ikimiz orta bir şert goýaly,
Öz agzyňa bir ýum, menkäde bakma.
Menä diýjegmi diýip içim sowatjak,
Senem gaýrat etde arkama kakma
*****
Her kim öz ykbalynyň režsýory,
Ýürekden oýnaýar kelle göçensoň.
Týatyr ýalydyr durmuş diýilýäni,
Oýyn başlanýandyr “çyra öçensoň”
*****
Gorkaga ýata suw akandan güýçli,
Enäniň haýyşdy hökümden güýçli.
Bolsada wagtynda akyl ýetirdim,
Bu dünýäde borjym hakymdan güýçli.
*****
Mähelläň deň ýary kitaphanada,
Galan ýary meýhanada meý içýär.
Iki tarap bir-birini görende:
“haý bedibagt” diýip zeýrenip geçýär.
*****
Gorkak öz bagtyny özi ýatyrmyş,
Hak bitirmiş töwekgeliň işini.
Barly ýigdiň dişinde et galarmyş,
Et goparmyş garyp bendäň dişini.
*****
Aýal “puldan doýdym” diýse ynanma,
“Bir ygrarda durdym” diýse ynanma.
Günde bir etegi sermeläp ýören,
“Belli birin söýdüm” diýse ynanma
*****
Mundan razy bolyp giden ýok welin,
Başarsa kim muňa baky gelmejek.
Gyjak ýöne ýere ýasalan däldir,
Garramajak bardyr, ýokdyr ölmejek.
*****
Kese çyzyk iki nokat arasy,
Sagynda geldiň sen çepinde gitdiň.
Ýa köpräk ýaşap kösediň ili,
Ýa-da has ir gidip ajap iş etdiň.
Içeri gir
Agza bol
Özümiziňki
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 