Nokia döwründäki gürrüňler. part I......

Täzeje
Neo [off]

10.12.2024 / 22:46

Salam millet, oňatmysyňyz, oňat bolaweriň.
Oňat bolsaňyz bir zat aýtjak, wiý ýazjak, neme, gürrüň berjek, wah, ýazyp gürrüň berjek, garaz okarsyňyzda, düşünmedik zadyňyz gabat gelse hiç çekinmän gugldan soraýyň, megabaýtym ýok diýýäňmi, onda bärde näme işleýäň, çyk saýtdan.
Şu ýazmakdanam elim çykyşypdyr öýdýän, öňlerä arkaýynja ýazaýýadym. Indi kyn, garrylyk ýaman, pulsuzlyk ondanam erbet, iň erbedinem aýdaýynmy, gulagyňy bärräk tut, wah o ýigrenjilerem eşidip dura, soň aýdaýaryn.
Wiý ýogsada gürrüň berjek diýipdim, diňle...
Biraz geçmişe, dinozawrlar eýýamyna Nokia telefonlaryň hökümdarlyk edýän döwrüne dolanalyň.
O döwür, gowy döwür, entek barmaklanýanlaryň ýok döwri, nokia eýýamy parahat, asuda ömür sürýärdi.
Şol gowy günleriň birinde gijara futboldan gelip, ýaňy nahara başlapdymam welin garaşylmadyk jaň geldi.
-Alo, salam, nomeriňi pylanydan aldym, men Merdan, Gutlyň ogly, sroçny ejem bilen gürleşdiräýdä.
-1 sagatlardan barsam bolmazmy, şu wagt çaý, nah...
-Kyn görmeseň häzir baraýda agam.
-Aý bolýa (Ullakan oglan aljyrap aga diýip ýör).
BMW Х3 awtomobiliň nakleýkasy ýelmenen welmyrady münüp ugradym Gutlylara.
Tyňk, tyňk, tyňk.
-Salawmaleýkim, ogluň gürleşjek diýýä daýza.
-Hä bolýar kän wagt bäri habarlaşybam bilemzok, öňä goňşymyz gürleşdiräýýädi, olam işe diýip gidipdir.
-Jaň etdim gürleşäýiň.
-Alýo, gowumy Merdanjan, sag aman işl..
-Aýlakge, mowget, mowget,
Aýlakge mowget, mowget
Dilakge, mowget.
-Daýza entek alanok, o gudogyň sesi, ana aldy indi, gürleşiberiň...
-Eje salawmaleýkim.
-Salam, gowumyň oglum, işleriň gowumy, haçan gelýäň, gelniňemä göresi gelýär öýdýan seni, kän nastrenýesi ýok welin.
-Gelnimi? Şemşadymy? Ony haçan gördüň?
-Waý günde görýan, ýanymda ol.
-Eje sesiň bulaşygrak eşidilýär häliden bäri, ýanymda diýýäňmi, o nähili seň ýanyňda?
-O nähili, nähili? ýanymda, dagy nirde bolsun, tüweleme gaty işjanly maşgala, kejir kakaňa dagy günde bäş gezek çaý, nahar berýär.
-Kakama? Seň janyň bir sagmy, meň kakam bäş ýyl öň ýogalda, saňa näme bolýa eje?
-Wah şol käýänini entegem gaty görüp ýörmüň, kakaň saňa ýamanlyk islänoga, ana özem geldi, gürleş...
-Oglum oňatmyň, işläp ýörmüň sag aman.
-Sen kim ýaşuly?
-Häk seň bir...............tanaňokmy meni, seň ejeň äri kakaň men.......(köp nokatly ýeri türkmen halk sögünçleri).
-Eý waý eje, sen ýene äre bardyňmy, nämeler bolup ýör, nirden geldi o ýaşuly?
-Eý indi sen kakaňam tanaňokmy?
Telefony ýere pylçaýmankalar ellerinden aldym.
-Merdan sen nä kakaň, ejeň bilen beýle gürleşýäň?
-Agamjan meň kakam bäş ýyl öň ýogaldy.
-Sen menden dört ýaş ula maňa aga diýmek hökman däl.
-Ýok agam, men senden 3 ýaş kiçi.
-Dur, dur, sen kim özi, haýsy Merdan (sesden tanaýyş ukybyňa aşa baha bermän, şu soragy ilki jaň eden wagty bereňde näderdi, näderdi şojagaş ýeri)?
-Gaýraky zeýkeşiň ýanynda ýaşaýan Merdan men, Gutlyň ogly (haý zeýkeşiňem gursun sen, ýüzüňem).
-Ýaşuly bagyşlaweriň bu başga Merdan eken.
Nämäň nämedigine göz ýetirensoň ýanymdaky güljeginem, aglajagynam bilmän duran är-aýaldan ötünç sorap nirdesiň çarbagly öýüm diýip ugradym külbäme tarap.
Bu günki bolan zatlary aňyma ýerleşdirmek üçin öýe baryp pamýadymy trenirowka etdirmeli boljak, Merdan dostumyzam zeýkeşe ýakyn ýerden başga adam taparda bu günlükçe...

Dowamy bar.

138

Forum | GÜRRÜŇDEŞLIK | Erkin mowzuklar

Ak stil............

Gosgularym

Gosgularym

Gosgularym

Gosgularym

Gosgularym

Gosgularym

Gosgularym

Ak stil............

El classiko 35 tur Barselona ---Real