Fantom : Парень — девушке: — Вы что, меня за дурачка держите? — Ага, только ты его никому больше не показывай.

 Özümiziňki
 Aydymcy_Jemile [off]
 02.01.2025 / 14:32
 Allahym bir gun gowusudurar M❤😥

SÖZ MANYSYN BILMEGINÇÄ
Akyl söze güler nadan,
Söz manysyn bilmeginçä.
Dag başynda durar duman,
Hazardan ýel gelmeginçä.

Akly bolan şerap içmez,
Ýagşy ilden adam göçmez,
Ýaradan ýazygyn geçmez,
Gurhan ýüze sylmagynça.

Aryp akyl sözün sözlär,
Namart-pisat daşyn gözlär,
Çöle çykyp, maýa bozlar,
Torum göze ilmeginçä.

Dag başyndan gary gitmez,
Namart iliň ýumşun etmez,
Är ýigidiň göwni bitmez,
Seçip janan almagynça.

Goja ýigit paslyn çaglar,
Bihuda jigerin daglar,
Är ýigitler daýym aglar,
Merde hemra bolmagynça.

Ömür saly laýa batar,
Günbe-günden derdi artar,
Arly ýigit kine tutar,
Aryn jaýa salmagynça.

Bu jahanda baky galmaz,
Pelek bize hemra bolmaz,
Ýaş balanyň gadry bolmaz,
Bir dem oýnap gülmeginçä.

Gözele il hyrydardyr,
Ýazany Perwerdigärdir,
Merdan ýigit bikarardyr,
Ýar goýnuna dolmagynça.

Gözler niçe ýaman görir,
Diller ýaman-ýagşy soryr,
Ol saýýatlar daga ýörir,
Tä gojalyp galmagynça.

Ismim düşdi ilden-ile,
Nagş ederler dilden-dile,
Magtymguly, gongul güle,
Hazan urup solmagynça

Magtymguly Pyragy

Teswir ýazmak üçin Içeri giriň ýa-da Agza boluň →!