Aypipijik : Sen ondan birje soze garasyarkan, Ol basgasyna roman yazyar.

Premium
 BAYOGUL [on]
 04.01.2025 / 01:14
 Yurekdesh.ru

Saç üçin berhiz (dieta) – bu saglyk üçin peýdaly iýmitleriň toplumy bolup, olar saçlaryň gözelligine, berkligine we owadanlygyna jogap berýär. Köp aýallar henizem saçlar bilen bagly ýüze çykýan meseleleri diňe maskalaryň we salonlardaky edilýän bejergileriň hasabyna çözüp bolýar diýip düşünýärler. Ýöne içerden gelýän ýokumly maddalaryň mukdarynyň azalmagy, saç sapajyklaryň kesellemegine getirip bilýär. Şonuň üçin saç üçin sagdyn durmuş ýörelgesini berjaý etmek möhüm bolup durýar.

Saçy esasy iýmitlendiriji elementler sink, kalsiý, demir. Bu üç elemente baý iýmitleri kabul etmek maslahat berilýär. Ýöne bu elementler bilen bagly bolan biologiki işjeň goşundylary diňe lukmanyň maslahaty bilen içmekligi ýatdan çykarmaly däldir. Saçlary gysga wagtyň içinde hem uzyn hem berk etmegi wada berýän her hili himiki serişdelerden daşda durmaly.

Alkogol we nikotin saç üçin iň ýaramaz içgi hasaplanýar.

Saçlary berkitmäge gönükdirilen iýmitler barada:

Ýagly balyk. Gyzyl balyk bolmasa islendik saç üçin tutulýan berhizler dogry diýlip hasaplanmaýar. Ol belok, demir, B12 witamininiň we omega-3 ýag kislotasynyň ajaýyp çeşmesidir.

Gök otlar. Ysmanak, brokkole, ýaşyl noýba – A, С, K demir elementlerine baý otlardyr. Demir we kalsiý elementleri saçlaryň ösmegine gowy täsir edýär.

Guş eti. Hindi towugy diňe bir belogyň däl, eýsem, sinkiň hem ajaýyp çeşmesidir. Guş etinde adam bedenine zerur we aňsatlyk bilen siňýän demir elementi hem bardyr. Guş etiniň az ýa-da umuman iýilmezligi saçlaryň döwülegen bolmagyna getirýär. Guş etini işdäaçarlarda iýmek bilen köp mukdarda witaminleri kabul edip bileris.

Hoz – özünde sink we selen elementlerini köp saklaýar. Bu elementler saç dökülmeginiň öňüni alýar we kelläniň saglygynda möhüm rol oýnaýar.

Ýumurtga iýmek islegi bolan adamlar üçin ýene-de bir beloga baý çeşme. B12 we B7 witaminlere baý. Saçyň deriniň dyrnagyň saglygyna peýdalydyr. Hatda çig ýumurtgany kelle agyrmasynyň öňüni almakda ýapgy hökmünde ulanýarlar.

Süýt we süýt önümleri. Süýt, kokteýl, kefir, gatyk beloga baý hasaplanýar. Süýtli önümleri halaýan adamlara olary köpräk günortan wagty içmek maslahat berilýär. Olar saçlaryň berkemegine, owadan bolmagyna getirýär.

Teswir ýazmak üçin Içeri giriň ýa-da Agza boluň →!