TÄSIRLI FILMLER 1 | YekeTak.Ru

Täzeje
FolLower [off]

11.01.2025 / 19:27

1. Ynsan gazaby (2021).

Meşhur kinorežissýor, “Patyşa Arturyň gylyjy”(2017), “Ummasyz pul” (2000), “Şerlok Holms” (2009), “Terjmeçi” (2023) filmlerini döreden Gaý Riçi bu filminde kino äleminde yz galdyran Jeýsan Stethama baş roly berýär.
Filmiň gysgaça mazmuny:
Düýbi Los-Anjelesde ýerleşýän “Fortico Security” kassa-tranzit kompaniýasynyň ýük awtoulaglaryna ýygy-ýygydan hüjüm edilýär we soňky talaňçylyk wagtynda iki garawul öldürülýär. Birneme wagt geçensoň, edermen we köp geplemeýän, britaniýaly Patrik Hill bu kompaniýa işe alynýar. Oňa başlygy tarapyndan “Eýç” diýip lakam berilýär we zerur bolan fitnes, atyş hem-de sürüjilik synaglaryndan mäkäm geçip, ilkinji işine başlaýar.

Tizara ýaragly garakçylar ýene olaryň awtoulagyny talamaga synanyşýarlar, ýöne Eýç tutuş toparyň hakyndan ýeke özi çykýar we gahryman bolýar. Kärdeşleriniň hormaty we şöhraty ony gyzyklandyrmaýar sebäbi ol özüniň maksatlaryna ýetmäge çalyşýar.

2. Howa marşaly (2014).

Esasan triller žanrly filmlerde özüni tanadan, şeýle-de “Ýolagçy” (2018), “Ýesir 1-2-3”, “Wyždanly ogry” (2020) filmlerinde tomaşaçylary haýrana goýan ussatlygy bilen dünýä meşhur bolan kino ýyldyzy Liam Nison bu filmde howsala salýan ýagdaýlardan nähili baş alyp çykmalydygyny tomaşaçylara özüniň artistlik ukyby bilen aýdyň görkezmegi başarypdyr.
Filmiň gysgaça mazmuny:
Nobatdaky halkara uçuş. Ýolagçylaryň howpsuzlygyny üpjün edýän howa marşaly Bill Marks uçara münenden az wagt soň telefonyna bir terrordan haýbatly habarlar gelip ugraýar. Onuň kimligi we näme üçin haýbat atýanlygyny bilmäge synanyşýar emma uçarda bir adamyň ölümine sebäp bolýar. Çünki jenaýatkär ähli hereketleri öňünden hasaplap, günäni marşalyň üstüne ýüklemegi başarýar.

Indi marşal bu ýagdaýy duruzmak we jenaýatkäri tutmak üçin uçarda özüne ynanan adamlaryň kömegi bilen işe girişýär emma wagt çäkli sebäbi jenaýatkäriň uçarda ýerleşdiren bombasyndaky sagat işläp başlaýar.

3. Frenk we Penelopa (2022)

Tomaşaçyny ýerinden bir sekunt hem gozgaman, özüne çeken, galyberse-de beýleki amerikan kinolarynda känbir ýüze çykarylmadyk “söýgi” temasyny has arşa galdyran filmleriň biridir. Filmiň režissýory Şon Patrik Fleneri filminde özüne-de bir roly saýlap, ýerine ýetiripdir.
Filmiň gysgaça mazmuny:
Öýünde aýalyny biwepalykda tutup, gaýgyly ýagdaýda bir kafe gelen Frenk, tansçy Penelopa bilen tanyşýar we oňa aşyk bolýar. Penelopa ilki hile bilen onuň puluny alyp, kafeň eýesine eltip berýär we puly deň bölüşmegi isleýär emma narkotik jisimlere özüni aldyran adam Penelopany diňlemeýar we onuň bilen dawalaşyp başlaýar. Bularyň gohuna kafeda oturan Frenk gelýar we kafeň eýesini urup, gorkuzyp, Penelopany hem alyp gaýtýar. Ine şonda Penelopa Frenke aşyk bolýar we ony aldap talamak niýetinden ýüz döndürýär.

Biri birinden asla geçmejek aşyk-magşuklar uzak ýola düşýärler. Ýöne bularyň ýoly öz ganhor maşgalasy bilen ýaşaýan Çisos atly zalymyň üstünden barýar.

Nesip bolsa indiki mowzugymda ýene-de şular ýaly filmleri siziň dykgatyňyza ýetirerin.

Internetden terjime edip taýýarlan: Abdylmahmyt Nepesow.

142

Forum | SUNGAT ÄLEMI | Dünýä kinosy

GELNEJEM

GELNEJEM

GELNEJEM

Катюша

Катюша

Катюша

Gara Saçyň Dökülipdir Döşiňe

С праздником! С 9 мая!

Ýalňyş yşk-my?

Muny Bilmek Gyzykly !