Belki : Maña ikimiziñ adymyz ýazylan kagyz bölejigi sowgat et. Iñ ýokarsynda "Toý çakylygy" diýip, ýazylan bolsun! #Belki

 Özümiziňki
 Fantom [off]
 25.01.2025 / 08:12
 Iň uly baýlyk, bar zadyň bilen kanagatlanmakdyr.

Juda hezil eken çagalygymyz,
Obamyz, ir säher sygyrlar molap.
Howlyň içindäki agyllarda-da,
Durandyr ak-gara goýunlar mäläp.

Iki ýana ýöräp ak saçly enem,
Iş etýär, kyrk günlik täze gelin deý.
Maşgalan keşigi süňňüne siňen,
Sygyr sagýar, köne bedre elinde.

Süýt içersiň gyzgyn-gyzgyn ogurtlap,
Bererler gaýmagy käsäňe salyp.
Seslener ir säher oýanan atam,
Teläre söýelen hasasyn alyp.

Bäşlikçimi? Ýa ikilik alýaňmy?!
Sorag bermek endigidi atamyň.
(Jaýy jennet bolsun! Şu ýaşyma çen,
Öwütleri öňün alýar hatamyň!)

Enem pahyr zähmetsöýer zenandy,
Gyzmady! Emma ol söýerdi içgin!
Bişmedik narlary dişläp çykardym,
Bilmeýändir öýdüp!
Günämi geçsin!

Çep gulakly pilin egnine alyp,
Daýym säher bilen gider meýdana.
Kömek edensirän bolardyk bizem,
Däneli üzüme garyp bidäne...

Ýere gaçan erikleri çöplärdik,
Bukulardyk arasynda baglaryň.
Ýene bir gün üzüm dalbara çykyp,
Düşüp bilmän, bir sagatlap agladym!

Wah çagalyk, nämä derkardy dalbar,
Nämäňe gerekdi ýokardan bökmek.
Nirden gelýär ol kiçijek beýniňe,
Ýatan bir öküziň guýrugyn çekmek.

Ýadymda ak haltaň iki burçundan,
Ak süzmäni sykyp çykaranymyz.
Her geçýän pursatyň hakyndan çykan,
Juda hezil eken çagalygymyz ...

Gülnäz Nurykowa.

Teswir ýazmak üçin Içeri giriň ýa-da Agza boluň →!