Ýürekdeş sözler!
BAYOGUL : Öñler hemme zadym indi hiçzadym bolup galdy ??
Söýgi görk islemez... (Rowaýat)
Täzeje Gozeljik [off] 28.01.2025 / 10:37 Elhamdulilallah♡
Jahylka göreş-ýaryşda ýeňiş gazanyp, abraý alan «Döw» lakamly Gara batyr ala dagdan aşyp gelen gaplaň bilen garpyşanda el-ýüzüni parçaladyp görkden gaçýar. Öňem-ä garaýagyz, gawunkelle, burunlak, äpet ýigidi görenler «Bäh, ejesi nädip gorkman goçaltdyka» diýýän bolsalar, gaplaňly gürrüňden soň-a ony üýşenmän synlamak köp kişä başartmandyr. Ejesi görgüli gelinlik gözläp gapy kakmakdan ýadap: «Ýa, Jepbar, saňa sygynýan» diýip oturyberipdir.
«Her iş bola, bähbit bola» diýilýäni-dä. Bir sapar bäş sany ýol talaýan pälazanlar, gündiziň günortany bir gyzy oglan jigisi bilen bile ganara gaplap göterýäler ökjäni. Ýylgynlyk jeňňelde duşaklanan düýäni görübem: «Hudaý berse guluna, getirip goýar ýoluna» diýip owsara ýapyşýarlar. Agramyna at çydaman iner münýän Gara batyr, ýylgyn ýygyp ýören ýerinden ätmer-sätmer edip çykýar. «Emeliň seresi güýç» diýip, ýylgyn taýagy işledip bäş gamalyny bir ýüpe saraýar. Ganary açandan: «Eý, ynsapsyzlar. Süýr depesinden suw akydyp, başam barmagyndan suw içip ýatmaly gözel gyza nädip dözdüňiz?» diýip, talaňçylaryň symsygyny ýetirýär. Gyz bilen gytagrak gürleşen ýigit pälazanlary düýä çykalgy oduna ýükläp, gyzy sandyk ýaly örülen uly ýylgyn sebede salyp, oglanjygy gujagynda göterip, iner bilen deň säpjäp gaýdyberýär. Ýolda duşan çopan: «Tüweleme, oljaň oňupdyr. Ýöne eýýämden gelniňi arkaňa hopba edip, depäňe çykarmaň bolmandyr» diýende: «Oljalar ýaly men garakçy däl. Ogrular-a kazyňky, gyz bilen oglanam hossarlarynyňky. Ýöne, beýle gyz maňlaýdan çyksa arka hopba edib-ä däl, ömrümboýy elimde götermäge kaýyl» diýip, gyz göwnüni görüpdir. Gözlegine çykan agalaryna duşup, at ardyna münüp, öýe baran gyz ejesine: «Abraýma çirk ýetse-de, namysym pamyk ýaly päkdir» diýip aglaýar.
Göz gytagy bilen synlap, arasynda söz bilen synap halasgäriň sada, ýumşak boý ýigitdigini aňlan gyzyň ejesi bir horjuny gözäp, sowgat-serpaý edende akja kamys mata gulpy döwük gara tüňçäni dolap ugradýar. Garanyň ejesi syrly sowgadyň manysyny tirip, sawçylyga gaýdyberýär. Igdeli, kişmiş-kişdeli gök çaýyň başynda sözleri alşyp, gürrüňe kelleleri gyzan geljekki gudalar ikindi bolanynam duýmandyrlar. Tam kepbede degirmen aýlap oturan gyzam: «Ömürboýy elinde göterip, süýr depämden suw akydyp başam barmagymdan suw içse, ynjytman saklasa... Galyberse-de: «Barly bolsun, barsyz bolsun — öýüm bolsun. Gyňyr bolsun, gyşyk bolsun — ärim bolsun». Onsoňam: «Erkekden eşek ürkmese bolýar» diýerdi garry enem diýip, içini gepledipdir...
...Garagumuň aňňat-aňňat alaňlarynyň arasynda bir gara, boz iner bilen owadanja ak maýa botasyny ara alyp, kanagatlylygyň, wepadarlylygyň nusgasy bolup, sazaklykda sonarlap, gumlulary guwandyryp, gezip ýör...
Döwletmyrat JUMADURDYÝEW.
Garagum etrabyndaky 14-nji orta mekdebiň mugallymy.
"Maru-şahu jahan" welaýat gazeti, 16.01.2025
Teswirler:
Gytyndan Sebap [off] Lekum dinukum we liýe din 28.01.2025 / 10:55+0Ýetirip dur gowy eken
TäzejeGozeljik (28.01.2025 / 11:20) Sebap, minnetdar?
GytyndanSebap (28.01.2025 / 11:24) Gozeljik, 
Özümiziňki Fantom [off] Iň uly baýlyk, bar zadyň bilen kanagatlanmakdyr. 28.01.2025 / 16:05+0gowy!!!
Gytyndan Sebap [off] Lekum dinukum we liýe din 28.01.2025 / 23:39+0Gowy eken ýetirp duruň
Soňky teswirler
GELNEJEM
Gowy gosgy eken,yetirip dur👏
Biza genje mahrini görmedik dine son gepini cekyas ❤️...
dowamy...
Ýokaryk
Içeri gir
Agza bol
Täzeje
Gytyndan
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 