Garrybay : 1000 km hem 1 ädimden başlaýar.

 Täzeje
 Oraz37 [off]
 03.02.2025 / 20:51
 123

Biziň aýrylanmyz bilip durubam,
Seni özge bilen gören tanyşlam.
Maňa ýetirýärler gyzgyny bilen,
Onsoň ýene ýüregime tanyş gam
ganyma siňýär-de bütin bedenim,
Adamsyz gaýyga döndürýär göni.
Lemmer bulutlaram gelip tiz-tizden,
Ýagyşsyz tutýarlar Günüň öňüni.
Hamana seniň hiç hakyň ýok ýaly,
Ikinji söýgiňe ýa-da üçünjä.
Nädip saýlap alarsyň sen bagt guşy,
Ýanyndaky meňzeşleri uçynça.

Diňe gülüp-oýnap geçmek isleseň,
Bu ömrüň deň ýary bolardy wagtsyz.
Eger-de adamlar birini söýse,
Dünýäniň tas bary bolardy bagtsyz.

Ökünme, çekinme, bagtyňy gözle,
Nüçün munda bir ýalňyşa köýmeli.
Ýeke men däl, seniň juwan ömrüňde,
Görmek islän gyzlyk başyň öýmeli.

Her säher äleme bark urup oýan,
Hyrçynyň dişleme geçende durna.
Gara aýak bassaň yzy düşýändir,
Şol bir ýalňyşyňam gaýtalap ýörme.

Söýgi, bagt, rysgalyň… goşadan bolsun,
Hasrat-gaýgyň köpelmesin hiç haçan.
Mähriban, sen şeýle bir bagtly bolgun.
Şatlygyň goşa däl, goý, bolsun üçem.

Ahmet ARAZOW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!