Dreamfull : Sadece işi düşünce gelene, dost mu deniyordu? Puşt mu deniyordu? Hoşt mu deniyordu?

 Özümiziňki
 Hyyalbent [off]
 05.02.2025 / 11:14

Deňiz didelerňe sataşdym bu gün,
Ilkinji goşgymyň syrly eýesi.
Öpülmedik ýaňak, ysgalmadyk gül,
Ýetginjek söýgümiň hamyr maýasy.

Derek boýuň Leýlisaça dönüpdir,
Gözleň alawyndan galypdyr tüsse.
Maňlaýyň daş ýarmadygy görnüp dur,
Ýüzüňdäki ýygyrtlarda müň kyssa.

Hany gorkmaýadyk ara daşlykdan,
Aýralygy almandygam dilmize.
Men Magrypdan çykdym, senem Maşrykdan.
Kä bagt nesip etýär gadyr bilmeze.

Belki oda ýanyp hakyt men ýaly,
Mejnun zaryn çeken däldir Leýliniň.
Köçeleri aýak yzyňdan doly,
Seni undup bilmän çüýrän beýnimiň.

Toprak ýuwutmady, göge uçmadyň,
Ýakup bolup ýollaryna garanym.
Gürleşmekden, birleşmekden, giçmidi,
Täleýiňi üýtgedermi baranym?!
Maralym...

© Süleýman TEKÄÝEW

Teswir ýazmak üçin Içeri giriň ýa-da Agza boluň →!