Maksat : Ulumsylyk baylyk bolsa men garyp!

 Betinden
 Sebap [off]
 12.02.2025 / 14:32
 Lekum dinukum we liýe din

Gel, ikimiz ähti-peýman edeli:
Ne sen meni unut, ne-de men seni!
Şu peýmany ömürboýy tutaly –
Ne sen meni unut, ne-de men seni!

Baş alyp gideýin gurbet illere –
Sen meni düşürdiň dilden-dillere;
Durna kimin uçsam uzak köllere,
Ne sen meni unut, ne-de men seni!

Sen meniň mahbubym, melegim, mahym;
Seni söýen aşyk köp çeker ahyň.
Ehli-yrfan içre söhbetde çagym
Ne sen meni unut, ne-de men seni!

Geldi bu gün aýralygyň zamany,
Hak aşyklar onda sürer döwrany.
Äht edeli – getir Kelamyllany:
Ne sen meni unut, ne-de men seni!

Pirsoltan Abdaldan.
Alnan ýeri kitapçy.su

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!