Sebap : *Ýüregi agyrýan sabr etsin, ýüregi agyrdan ýüreginiň ýanjak gününe garaşsyn*

Premium
 BAYOGUL [on]
 14.02.2025 / 21:37
 Yurekdesh.ru

Özüniň egsilmez mährin siňdirip,
Derdiňe düşünýän bir käbäň eken.
Agsan ýerleriňde hemaýat berip,
Derdiňe düşünýän bir käbäň eken.

Ýüregiň urgusyn gözüňden duýup,
Gaýgy-aladasyn özünde goýup,
Mylaýym ýüzlenip: «Jan balam» diýip,
Derdiňe düşünýän bir käbäň eken.

Alyslarda gezseň ýanyňda ýaly,
Dilegleri eder işleriň şowly,
Gursagy mähirden, söýgüden doly,
Derdiňe düşünýän bir käbäň eken.

Enedir dünýäde iň beýik ynsan,
Kändir bu ynsanyň mährine suwsan,
Kimde-kim bar bolsa günäsin ýuwsun,
Derdiňe düşünýän bir käbäň eken.

Şatlyk JEPBAROW

Teswir ýazmak üçin Içeri giriň ýa-da Agza boluň →!