yureksiz : Bir göz, bir göze nämeler düşündirip biler bilemok. Ýöne bir söz bir gözi ýyllar agladyp biler..#.fileo

 Gytyndan
 Sebap [off]
 18.02.2025 / 11:29
 Lekum dinukum we liýe din

Bize bir giň göwün beren Biribar,
Şol göwni gülmekden binesip etme.
Bilip bolmaz-bu çarkandak ýollarda,
Büdresek, galmakdan binesip etme.

Dinden çykarmawer dine geleni,
Sandan çykarmawer sana geleni.
Enäň göwresinde Jana geleni,
Bu dünýä gelmekden binesip etme.

Gaýmakly süýt kimin säheriň çagy,
Ýukajyk çal ümür örtende dagy.
Guşlar dil açanda, oýadyp bagy,
Sag-aman örmekden binesip etme.

Bahar help yşkyňa yşk goşanda,
Çagajyklar oýnap ýörkä daşarda.
Gyzmaç çal bulutlar gylyçlaşanda,
Çapaklar çalmakdan binesip etme.

Keremlisiň, öz bendäňe ynsap et,
Senden gorkmadykdan sora hasabat.
Mümkin bolsa, köpbilmişden halas et,
Bilimden-bilmekden binesip etme.

Gaçyrmawer egne göterenimi,
Tapmaga ýardam et ýitirenimi.
Adam diýip dünýä getireniňi,
Soň adam bolmakdan binesip etme.

Berdinazar HUDAÝNAZAROW

Teswir ýazmak üçin Içeri giriň ýa-da Agza boluň →!