BAYOGUL : 23 - ne cekseň zahmet 8-ne ýagar rahmet

 Gytyndan
 Sebap [off]
 19.02.2025 / 12:24
 Lekum dinukum we liýe din

Ilki aýtjak zadym durmuş ýolunda,
Ýüregňiziň urşy deň bolup dursun.
Sözleşmän düşüniň,
Ýürek taryňyz
Bir perdä düzülen heň bolup dursun.

Baryş-geliş ediň,
Toýlara gidiň,
Bu dünýä gowulyk tohumyn sepiň,
Etjek bolsaň, diňe ýagşylyk ediň,
Etmedikler üçin geň bolup dursun.

Gün deý şugla saçsyn ogul-gyzyňyz,
Abraý bilen dowam etsin yzyňyz,
Ýüregňizden çykan yssy sözüňiz,
Göýdük göwünlere em bolup dursun.

Bu durmuşda büdremesin atyňyz,
Wagtyndan öň agarmasyn saçyňyz,
Ýöne bir söz bolman maslahatyňyz
Tümlügi ýagtyldýan şem bolup dursun.

Abraýyňa görip adamdan gaçyň,
Bil, abraýy alyp bolmaýar satyn.
Ýene bir arzuwym: ýaňra biakyl
Akyllyň ýanynda sem bolup dursun.

Oýny kän dünýedir, hem ut, hem utul,
Ýagşa ýakyn durup, ýamandan gutul,
Dost tutunjak bolsaň, şeýle dost tutun,
Başa iş düşende Sen bolup dursun.

Bagtly durmuş, uzak ömür, jan saglyk,
Şudur bu dünýede iň uly baýlyk!
…Sözüm tamam edýän, eziz halaýyk,
Maksat-myrat tapyp, jem bolup dursun!

Muhammetmyrat MEREDOW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!