Baby_girl : Bedenim ýašaýa ičinde özüm ýok

 Gytyndan
 Sebap [off]
 21.02.2025 / 21:03
 Lekum dinukum we liýe din

Ötdi şu gün bu jahandan dirikä
Salama geçmedik nadyl bir gende.
Iliñ beýikligne haýranlar galdym,
Hanha, ony alyp gitdi gerdende.

Adam bary derin çalyp, ylgaşlap,
Hormat edip, ony egne mündürdi.
Ol bolsa köp ýyllap şu märekäniñ —
Agzyna zäk atdy, diri ýandyrdy.

Süýtden gan gözledi gowy günlerde,
Bir gezegem «gowy» diýmedi gowa.
…Çal sakgalny orta goýup gojalar —
Ene ýer öñünde geçdiler güwä.

Diýdiler: «Gowudy,
gowudy,
gowy…»
Onsoñ utanç bilen bakdylar ýere.
Ýalan gepe Zemin aglarmyş sojap,
Bagryna düşermiş ýene bir ýara.

Oñ belent başynyñ artarmyş agy,
Göz-görtele peslik gitse ýuwulyp.
Nätjek-dä, bu dünýä döräli bäri,
Erbetligi göterip ýör gowulyk!

Aman-aman, ene ýeriñ öñünde
Il ýalan sözleýär «gowudy» diýip.
Gowulyk nirede, pesdi ol adam.
Ýöne il göterýär.
Il — beýik,
beýik!

1972 ý.
Baýram JÜTDIÝEW,
Türkmenistanyñ Halk ýazyjysy

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!