Sebap : Bir gün maňa düşünersiň, ýöne şol gün men bolmaryn

 Betinden
 Sebap [4m]
 21.02.2025 / 21:33
 Lekum dinukum we liýe din

Däli göwnüm, dönüp yzyň gözlegin,
Ne galmagal geçdi başdan, habar ber.
Ýalana ýaran ýok, dogry sözlegin,
Ýol başladyň nije işden habar ber.
Ussa bolduň, teşe tutduň eliňde,
Bor-bolgusyz söz aýladyň diliňde,
Näme täsin iş görkezdiň iliňde,
Dogry dur-da, ilki başdan habar ber.

Oglankaň okardyň dürli dessany,
Göýä seýil ederdiň bagy-bossany,
Sanardyň özüňi yşgyň messany,
Aşyk bolsaň, galam-gaşdan habar ber.

Ylym okap, haýsy ýola ýollandyň,
Sen bir nadan halk içinde bellendiň,
Arypmysyň, itden beter aldandyň,
Namys etme, Bossantäçden habar ber.

«Men Mollanepes» diýp adyň tutarsyň,
Il içinde akyllylyk satarsyň,
Pikir etgin, nam-nyşansyz ötersiň,
Nirde galdy, ýigrim bäşden habar ber.

Hiç bir işe ýapyşmadyň jan bilen,
Belki, sen sanaldyň gury san bilen,
Ters jedelde garşy durup on bilen,
Nämä gördüň, şol boluşdan habar ber.

Nepes, sen diýmegin, çeper dilim bar,
Pylan kesde döwlet ýa-da ylym bar,
Her kim bolsun, gutulgysyz ölüm bar,
Ajal meýin içhä-içden habar ber.

Awtoryny tapyp bilmedim
Alnan ýeri:kitapçy su

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!