Çaga we men | YekeTak.Ru

Içeri gir

Agza bol

Yurekdesh.ru saýtynyñ android programmasy

Ýürekdeş sözler!

Dreamfull : Если что-то болит – молчи, иначе ударят именно туда.

Forum | UMUMY BÖLÜM | Şygyryýet dünýäsi

Çaga we men

Betinden
Sebap [9s]

23.02.2025 / 06:30
Lekum dinukum we liýe din

Çaga ýatýar, uçýar düýşinde,
Onuñ oýundan başga aladasy ýok.
Men horazsyz dañ atýanyn bilýärin,
Çaga welin, bu zatlary bilenok.

Bir pursaty görkezenok üç sagat,
Der dökmeseñ arzuw hasyl bolanok,
Men bularam bilýän.
Emma çagajyk,
Nämeüçindir bu zatlary bilenok.

Bolanynam bilýän äpet uruşyñ,
Uruş bolsa hiç pidasyz bolanok.
Men ýene-de, ep esli zat bilýärin,
Emma çaga bu zatlary bilenok.

Göwnüne degseler, aglaýar çaga,
Aglanyñda bolsa, kinäñ gutarýar.
Menem käte aglaýasym gelip dur.
Ýasym uly,
Aglamaga utanýan.

Bileniñ gowumy, bilmäniñ gowy,
Bu sowalda bir tarapa geçemok.
Ýöne çaga pessaý uçýar düýşünde.
A men weli, köpden bäri uçamok.

Onsoň çaga bolmak islap ugraýan,
Bu arzuwyñ — böwrüñdäki agyry.
…Çaga bizin geljegimiz diýýäris
Çaga biziñ geçmişimiz ahyry.

Gurbannazar EZIZOW

Teswirler:

Täzeje
Gunesh [off]
23.02.2025 / 12:27

+0

Göwnüne degseler, aglaýar çaga,
Aglanyñda bolsa, kinäñ gutarýar.
Menem käte aglaýasym gelip dur.
Ýasym uly,
Aglamaga utanýan.

Edil şujagaz setirleri maňa düzlen ýaly

Betinden
Sebap [9s] (23.02.2025 / 22:36)

Gunesh,