Dreamfull : İnsan bir kere birine geç kalır, bir daha hiç kimse için acele etmez.

 Öwreniji
 Fantom [off]
 Şugün, 07:19
 Терпение — это ресурс исчерпаемый.

Allam kabul etsin dileg sözümi,
Gül bilen bezegin bahar- ýazymy.
Il halkyma düzüp,aýdym-sazymy,
Şatlykda çalaýyn sazdan aýyrma.

Rysgal,bereket, saglyk bergin janyma,
Gam-gaýgyny golaýlatma ýanyma.
Aýdymlar ýazaýyn Watan şanyna,
Goşgylar düzeýin sözden aýyrma.

Saglykda görkezgiň baýram,toýmyzy,
Şatlyk bilen doldur pikir küýmizi.
Goňşy-golam hem mähriban öýmüzi,
Bereketli halal, duzdan aýyrma.

Berseň päk zähmetden bagt göreýin,
Şatlyk bilen öňe gadam uraýyn.
Il-halkyma goşgy düzüp duraýyn,
Şat owazdan,şirin sözden aýyrma.

Asmanym arassa,parahat bolsun,
Beýik Allam senden rysgalym gelsin.
Deň-duşumyň ýanynda ýüzlerim gülsin,
Tutulmaýyn açyk gözden aýyrma.

Aýdar Hydyr bolsam daşda-uzakda,
Gam-gaýgy ýazmasyn ykbal pelekde.
Bir-birege ynam bolsun ýürekde,
Ynamy, hormaty bizden aýyrma.

Hydyr Gylyjow

Teswir ýazmak üçin Içeri giriň ýa-da Agza boluň →!