Babaniyazow : Akylly adam özgäniň kemçiligini görüp, öz kemçiligini düzeder.#Ali

 Betinden
 Sebap [off]
 25.02.2025 / 18:35
 Lekum dinukum we liýe din

Sen hakda şygyr ýazdym,
Üýtgedi gijäň reňki.
Sen hakda şygyr ýazdym,
Gymyldady garaňky.

Sen hakda şygyr ýazdym,
Yşgyň bile awunyp.
Seret gögüň ýüzüni,
Terk edipdir mawylyk.

Sen hakda şygyr ýazdym,
Galam ýasap polatdan.
Çagbasyn tama etmen,
Garny suwly bulutlaň.

Sen hakda şygyr ýazdym,
Ähdi bozan baýnamaz.
Indi oýunçy dünýä,
Meniň bilen oýnamaz.

Sen hakda şygyr ýazdym,
Ynan goýbersem-de köst.
Meniň saňa yşgymdan,
Gaýrysy ýalandyr dost.

BU ŞEÝLE

Öz diýeniň, öz goýanyň Biribar,
Erk-ygtyýar seň emriňde görnetin.
Bu şeýle bolmadyk bolsady meger,
Iň bolman bir gezek meňem,
Diýenim bordy ahbetin.

Şähribossan GELDIMÄMMEDOWA

Teswir ýazmak üçin Içeri giriň ýa-da Agza boluň →!