Belki : Ben yağmur ağladım, bir şehre yağdı, Ben şehre ağladım, bir yağmur yağdı, Ben bir ağladım, şehre yağmur yağdı #,Yılmaz Erdoğan

 Betinden
 Sebap [off]
 26.02.2025 / 18:47
 Lekum dinukum we liýe din

Sen şumahal penjiräni açdyňmy,
Ýolun yzlap öz bagryňdan öneniň.
Ýa şumahal men ýadyňa düşdümmi,
Seni biwagt ynjytdymmy, dönenim?!

Belki,agşam girendirin düýşüňe,
Alnyňda durandyr perişan halym.
Endigime görä geçip gaşyňa,
Içgin-içgin sorandyryn ahwalyň.

Belki,görüp arasynda gülleriň,
Näler begenensiň, hyýalyň päkdir,
Eje,kesel çeýnän näzik elleriň,
Sygyr sagmana-da ysgyny ýokdur.

Şol gaýtalap bolgusyzja hökümin,
Ah,seni garradar, garradar gaty.
Bir tarapdan iňirdisi kakamyň,
Bir tarapdan ogullaryň haýbaty.

Onda karar tapman dertli janyňa,
Meni küýsäp menzilleri aşarsyň.
Men hökman bararyn seniň ýanyňa,
Sen penakär ýyldyzyňa duşarsyň.

Säher çagy penjiräni açdyňmy,
Ýolun yzlap öz bagryňdan öneniň.
Ýa şumahal men ýadyňa düşdümmi,
Seni biwagt ynjytdymmy, dönenim?!

Şähribossan GELDIMÄMMEDOWA

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!