Medinejik : Bir birini tanayan iki nätanyş boldyk ❤️‍?

 Özümiziňki
 Hyyalbent [off]
 08.03.2025 / 17:48

Undulan şäherde bir gyz ýaşaýar.
Ýalňyzlygyň göbeginde gögeren,
Miwe bermän solup galan gögele,
Kim el bilen, kim dil bilen daşlaýar.

Paşmaýar gursakda garran arzuwlar,
Gujagynda öý gurupdyr armanyň.
Gözden däl, sol ýandan akýar şor suwlar,
Ýeketäk ýesiri sowuk türmäniň.

Ummanyň içinde ýeke damja ol,
Bagtdan şatlykdan uzagam bolsa.
Pyşbagadan haýal geçdi şunça ýol,
Nätsin derdi azar bogazyn bogsa.

Dogsa güni, aýy ony görmese,
Aýaklary ogşamasa zemini.
Bu tümlükden çykara yş gözlese,
Geçdi iki müçe duşmaz tebibi.

Tebigy bar zady ykbaly başga,
Ne ertirler gelip, sowgat buşlaýar.
Ýer ýüzüne sygman, sygyp bir köşge,
Undulan şäherde bir gyz ýaşaýar.

© Süleýman TEKÄÝEW

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!