Gadayly : Herkime nesip etsin Ôz sôÿen gyzy bn Bagtly bolmak Gadayly

 Gytyndan
 Sebap [off]
 15.03.2025 / 21:57
 Lekum dinukum we liýe din

Ýyly mähriň Günüň çogly kuýaşy,
Men seniň nuruňdan güýç alýan, eje!
Gamly günüm ýürek urar bikarar,
Mährem ýüzüň görsem ynjalýan, eje!

Ýakyn bolsak ýa bolsagam alysda,
Mydam saňa söýgi-hormat bar, eje!
Beren terbiýäňe, beren edebňe,
Perzentleriň senden minnetdar, eje!

Her pursadym seniň bilen gözeldir,
Päklik jemlenipdir keşbiňde, eje!
Nirde bolup, näme hakda ýazsam-da,
Mydam waspyň bolar kesbimde, eje!

Ýerdäki perişdäm, bagt bagbanym,
Baýlygym, barlygym, gymmatym, eje!
Müň şükürler edýän çüwen ykbala,
Sen arşdan inderlen jennetim, eje!

Söýgiň ýaly söýgi bagş etmek üçin,
Kalbymy kalbyňa nagyşla, eje!
Kejirligmi edip degsem göwnüňe,
Ýekeje gyzyňy bagyşla, eje!

Nurgözel ÝAZBERDIÝEWA

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!