Täzeje
 Arslan [off]
 16.03.2025 / 09:19

Sökeli täze jaý guraly diýýäň,
Öý goşlarňam täzeläli hemmesin.
Döwrebap ýaşaly bizem il ýaly,
Goý bul agyr durmuş biraz ýeňlesin.

Bu öýümizem erwet dälä ezizim,
Iliňkiden kem däl öý goşumyzam.
Döwrebap ýaşaýas ilden kem galman,
Agyr däl müň şükür durmuşymyzam.

Islesek akylly öýem gurup bileris,
Durmuşumdan gysganamok pullarym.
Alla şükür işlem gowy ýöräp dur,
Men puluň däl, pullar meniň gullarym.

Gürrüň pul däl, gitýär öýümüz hakda,
Bul öýde meň ene atamyň mähri bar.
Ýatladýar her goşy enem atamy,
Şoň üçin bul öý maňa örän mähriban.

Teswir ýazmak üçin Içeri giriň ýa-da Agza boluň →!