Sport we futbol bilen ýaşaýan agzalarymyz üçin käbir habarlarymyz bar. Okamadyk bolsaňyz okarsyňyz diýen umyt bilen size ýetirýäris.
Ilki bilen, AFK-nyň Çagyryş ligasynda ýeňişli ädimler bilen dowam edip gelýän "Arkadag" toparynyň indiki garşydaşynyň belli bolanlygyny bellemek isleýäris.
12-nji mart güni "Ist Bengal" (Hindistanyň üç gezek çempiony we halkara derejedäki birnäçe baýraklaryň eýesi. Hindistanyň iň güýçli üç toparlarynyň biri) toparyny öz stadionynda kabul eden "Arkadag" topary 2:1 hasabynda ýeňmegi başarypdy (Şondan bir hepde ozal hem bu iki toparyň arasynda geçen çekeleşikli duşuşykda "Arkadag" topary Hindistanda 1:0 hasabynda "Ist Bengaldan" üstün çykypdy). Netijede, "Arkadag" we "Ist Bengal" toparlarynyň arasynda geçen iki duşuşykdaky jemi hasap "Arkadag 3:1 Ist Bengal" boldy. Şeýlelik bilen biziň toparymyz ýarym finala ugur aldy.
"Arkadag" toparynyň ýarym finaldaky garşydaşy Kuweýt döwletiniň "Al Arabi" topary boldy. Ýarym finalyň ilkinji duşuşugy 9-njy aprelde Kuweýtde, 16-njy aprelde jogap duşuşugy ýurdumyzda geçiriler. Türkmen toparymyza üstünlikleri arzuw edýäris.
***
"Mançester Ýunaýted» kluby özüniň 100 müň orunlyk täze stadionynyň taslamasyny tanyşdyrdy. Täze desganyň binagärlik şekilleri mundan ozal «Uembli» stadionyny, «Apple» kompaniýa synyň ştab-kwartirasyny guran «Foster+Partners» kompaniýasy tarapyndan taýýarlanylypdyr. Toparyň täze stadionynyň taslamasynyň bahasy 2 milliard funt sterling möçberinde bolar diýlip çaklanylýar. «Mançester Ýunaýtediň» ýolbaşçylarynyň aýtmaklaryna görä, täze stadion diňe klubuň däl, eýsem, tutuş sebitiň bähbidine hyzmat eder. Has takygy, onuň gurulmagy 92 müň sany täze iş ornuny döreder hem-de ýurduň ykdysadyýetine milliardlarça dollarlyk peýda getirer.
***
"Bawariýa» Ýewropa çempionlar ligasynyň şu möwsüminde iň köp girdeji gazanan topar boldy. Mýunhen klubunyň ÝÇL-iň şu möwsüminde gazanan puly 106 million ýewro deňdir.
Bu barada "Football Meets Data" neşiri ýazdy. Sanawyň 2-nji ornunda "PSŽ-niň" (104,4 million ýewro), 3-nji basgançagynda bolsa «Interiň» (103,1 million ýewro) ady bar.
ÝÇL-iň şu möwsüminde häzire çenli iň köp girdeji gazanan toparlaryň sanawy:
1.«Bawariýa» — 106 million ýewro; 2.«PSŽ — 104,4 million ýewro;
3.«Inter» — 103,1 million ýewro; 4.«Borussiýa» — 102,2 million ýewro; 5.«Arsenal» — 102 million ýewro; 6.«Barselona» — 101 million ýewro: 7.«Real» — 101 million ýewro.
Neşiriň ýazmagyna görä, bu toparlaryň ÝÇL-iň şu möwsümindäki gazançlary heniz ep-esli artyp biler. Ýaryşyň şu ýylky baýrak gaznasy 2,47 milliard ýewro deňdir.
***
Ýewropa çempionlar ligasynda çärýek finalyň ähli gatnaşyjylary belli boldy. Geçen hepde 1/8 finalyň jogap oýunl ary geçirilip, futbol janköýerleri gyzykly gapma-garşylyklaryň şaýady boldular. Hepdäniň iň dartgynly oýnunda «Liwerpul» «PSŽni» kabul edip, 1:0 hasabynda asgyn geldi. Bu iki toparyň arasyndaky deslapky oýunda bolsa iňlis topary myhmançylykda 1:0 hasabynda üstün çykypdy. Şeýlelikde, goşmaça wagtda hem gol urulmansoň, jübütiň ýeňijisi 11 metrlik jerime urgularda anyklandy. Futbol lotoreýasynda bolsa şowlulyk fransuz toparynyň tarapynda boldy. Şeýle-de «Atletiko» we «Real» jübütinde hem ýeňiji oýundan soňky jerime urgulary seriýasynda kesgitlenildi. Bu jübütden «Real» indiki tapgyra ýollanma aldy. Umuman alnanda, Angliýanyň «Arsenal», «Aston Willa», Ispaniýanyň «Real», «Barselona», Germaniýanyň «Bawariýa», «Borussiýa» (Dortmund), Italiýanyň «Inter» hemde Fransiýanyň «PSŽ» toparlary çärýek finalda çykyş etmäge hukuk gazandylar. Çärýek finalyň oýunlary 9-10-njy aprel we 16-17-nji aprel günleri oýnalar.
Internet sahypalaryndan we "Biznes-reklama" gazetinden göçürildi.
Içeri gir
Agza bol
Täzeje
Täzeje
Forum 
Agzalar 
Dükan 
Albom 
Top Agzalar 
(
) -deş sözler 
Çykmak 
...