BiReYsEl : Garaşmak gowy zat,dogry adama dogry duralga-da!!!_BiReYsEl

 Gerekli
 Aixcam_nx [off]
 01.04.2025 / 23:22
 Raionymyn ovadanjasylai_nx

Söýüp söýülmeseňem

Kysmatyňy düzetmersiň el bilen,
Şol sebäpli gynanmagyn birjigem.
Şor gözýaşdan gül göwünler kirjiger,
Görjegi gowudyr sen deý selbileň,
Kysmat bolsa, düzetdirmez el bilen.

Täze gül gözläniň bolmaz ýazygy,
Goý gitsin, saglykda ýetsin maksada,
Özge diňlär, göwün söýen sazyňy,
Şo zatlaram näler içiň ýaksa-da,
Gül gözläp gideniň bolmaz ýazygy.

Ýürek duýmaz sögünseňem, ursaňam,
Ýitigini gözlär, gider soraga.
Başga hiçzat girip bilmez gursaga,
Seniň borjuň mertebäňi gorama,
Ýürek duýmaz sögünseňem, ursaňam.

Boýdaşlaryň öz bagtyny mazamlar,
Gol tutuşyp, agşam çykanda seýle.
Agy bar ýerinde şirin sazam bar,
Nätjek-dä, dünýäniň gurluşy şeýle,
Her kim mydam öz bagtyny mazamlar.

Didäňde ýaş görse, bagtyň ýadyrgar,
Şonuň üçin süpür, gözden ýaşyňy.
Durmuş geçmez, şatlygyny dadyrman,
Dünýäde kän her gülüňem aşygy,
Şonuň üçin süpür, gözden ýaşyňy.

Çary ÝEGENMYRADOW

Teswir ýazmak üçin Içeri giriň ýa-da Agza boluň →!