Perhat_Sabirovv : Elmydama gyz bägüller ýaly bol

 Gytyndan
 Sebap [off]
 Düýn, 18:44
 Lekum dinukum we liýe din

Gysgajyk hekaýa.

Bir oglanjyk kakasy bilen daga gidýär. Oglanjyk birden büdräp ýykylýar-da, aýagyny agyrdyp, «wah» diýip gygyrýar. Geň ýagdaý, ol öz sesiniň gaýtalanmasyny eşidýär: «wah»
Bilesigelijiligi oýanan oglanjyk «Sen kim?» diýip gygyrýar. Ol dag tarapdan «Sen kim?» diýen jogaby alýar.
Bu jogaba gahary gelen oglanjyk: «Sen gorkak» diýip gygyrýar. Dagdan hem oňa «Sen gorkak» diýen ses gelýär.
Oglanjyk kakasynyň ýüzüne çiňerilip: «Kaka, bu näme boldugy?» diýip soraýar.
Kakasy ýylgyryp: «Oglum, üns ber» diýýär-de daga garap, «Sen nähili gözel we ajaýyp» diýip, batly gygyrýar.
Dagdan gelýän ses hem «Sen nähili gözel we ajaýyp» diýip, jogap berýär.
Oglanjygyň kakasy ýene-de gygyrýar: «Sen beýik»
Ol ses jogap berýär: «Sen beýik»
Oglanjyk geň galýar, ýöne näme bolýanyna düşünmeýär.
Onsoň kakasy ogluna düşündirýär. «Adamlar muňa «ýaň» diýýärler, ýöne hakykatda welin, ol durmuşdyr. Ol hemişe seniň öz aýdan ýa-da eden zadyňy yzyna gaýtaryp berýär. Biziň durmuşymyz diňe öz eden işlerimiziň beýany. Eger sen dünýäde köp söýgi, mähir bolmagyny isleýän bolsaň, onda öz ýüregiňde şonça köp söýgi, mähir döret! Eger-de sen öz synpyňda köp başarnyk, ukyp bolmagyny isleýän bolsaň, öz ukyp-başarnygyňy ösdür. Bu ýagdaý hemme zada, durmuşyň ähli ugruna degişli, durmuş elmydama seniň oňa beren zadyňy yzyna gaýtaryp berýär.

Taýýarlan Nurtäç Halmyradowa, Beki Seýtäkow adyndaky Mugallymçylyk mekdebiniň mugallymy.

Mowzukda teswirler ýok! Siz ilkinji bolup teswir ýazyň!

Teswir ýazmak üçin Içeri giriň ýa-da Agza boluň →!