Akademik2 : Söýgi bu söz bilen düşündirip bolmaýan duýgydyr //Akademik2

 Özümiziňki
 Fantom [off]
 26.04.2025 / 17:24
 Iň uly baýlyk, bar zadyň bilen kanagatlanmakdyr.

Gysyk bulutlara garap,
Aglasym gelerdi bir gün.
Çöl beýewanda syňsyrap,
Aglasym gelerdi bir gün...

Gülleri jemläp daşyma,
Kürtämi alyp başyma,
Münüp gelnaljy maşyna
Aglasym gelerdi bir gün...

Köýen ýyllaň höwesini,
Huwwalap «iňňä» sesini,
Ysgap balaň bal ysyny,
Aglasym gelerdi bir gün...

«Ýylgyrdy, gülledi» diýe,
«Ennäni» gürledi» diýe,
«Aý gyzym ýöredi» diýe
Aglasym gelerdi bir gün...

Aýlar Aýa gowşuranda,
Ýyllar bagta duşuranda,
Mert ýigidiň gujagynda
Aglasym gelerdi bir gün...

... Aglasym gelerdi her gün.

SURAÝ BABANYÝAZOWA

Teswir ýazmak üçin Içeri giriň ýa-da Agza boluň →!